هنا

[ali rada]

انا خريج معهد اعداد المعلمين قسم اللغة العربية والتربية الاسلامية حامل شهادة دبلوم
اريد استفسر عن تعيينات وزارة العمل والشؤن الاجتماعية انا اكمل الاستمارة بس يطلعلي
رقم الاستشارية وما اعرف شنو الرقم ممكن جواب من الاخوة شنو معنا وشلون احصل علية بلا زحمة

[انسان ثاني]

اخوية الطيب اهلاً وسهلا بيك
هسه تحصل الجواب من الاخوان ان شاء الله
ولكن حاول تدخل للموضوع مرة اخرى حتى تقرأ
لان ما اعتقد راح يراسلوك على البريد

[❥ اوليڤَيــــــا✿┊❥]

اهلا وسهلا بك اخي
جوابك تلكاه يم الاخوة
احمد العثماني والاستاذ محمد الساري
واتمنالك الموفقية

[ليديا]

ممكن هذا الرقم يتم تعبئته من طرف الإدارة
أن شاءالله أهل الاختصاص يفيدوك

[انسان ثاني]

اصحاب الصلاحيات
الرجاء نقل الموضوع الى القسم المُناسب
احترامي

[صبر العقيله الموسوي]

اخي رقم الاستشاريه معناها لازم تكون مسجل بالعاطلين عن العمل وعندك كارت مال رقم الاستشاريه

[بهلول الرشيد]

الموضوع يحتاج الى النقل لقسم التعينات
وشكرا

[Noor M. Hassan]

السلام عليكم و رحمة الله و بركاته اخي الكريم علي

الاستشارية مثل ما وضحتلك الاخت الكريمة صبر العقيلة عليها السلام هي رقم بطاقة العاطل عن العمل المسجل في وزارة العمل و الشؤون الاجتماعية لانه اذا ما مسجل و ما عندك استشارية فما يحقلك اتقدم على التعينات الي تعلنها وزارة العمل و ممكن تحصلها بسهولة بالتسجيل في موقع الوزارة و ممكن تطلع على ماهية التقديم و شروطه هنا و ممكن تقدم للحصول على الاستشارية من خلال موقع وزارة العمل و الشؤون من توبيب في جهة اليسار ( التسجيل العاطل عن العمل ) و منظومة التسجيل بالموقع ما تنفتح الا في اوقات الدوام الرسمية فقط يعني لنك تسجيل العاطل عن العمل ما يشتغل الا خلال وقت الدوام الرسمي مثل ما اني عرفت من خلال التصفح
و موجودة كروبات خاصة بالتعينات و الوظائف الشاغرة في الفيسبوك ممكن حضرتك تسال بيها اكثر اذا حبيت فقط سوي بحث في الفيسبوك عن التعينات و الوظائف الشاغرة في العراق او استبدل كلمة العراق بكلمة بغداد او اي محافظة اخرى و ان شاء الله راح تظهرلك صفحات و كروبات كثيرة ممكن تفيدك جدا باذن الله

و ان شاء الله الاخوان في الادارة ينتبهون و ينقلون موضوعك الى قسم اسئلة و اجابات مع الشكر و الامتنان مقدما و بالتوفيق لحضرتك اخي الكريم ان شاء الله دائما و اعتذر جدا لتأخر الرد

[ali rada]

شكرا جزيلا على الاجابة الله يوفقكم على هاي الخدمة الجليلة نعم حصلت عللى رقم الاستشارية عن طريق التسجيل الله يوفقكم

[Noor M. Hassan]

شكرا جزيلا على الاجابة الله يوفقكم على هاي الخدمة الجليلة نعم حصلت عللى رقم الاستشارية عن طريق التسجيل الله يوفقكم

الحمد لله و الشكر له وحده يا اخي الكريم و ان شاء الله موفق دوما يا رب