مرحبا،،،
أخواني أخواتي
أكو فكرة ناقشناها أنا وكم صديق وحبينا نطرحها بدائرة نقاش أوسع حتى نعرف مدى نجاحها بحال تنفيذها.
ولو احنا متخوفين من سرقة الفكرة من قبل المؤسسات اللي تنتمي لأحزاب وأديان وطوائف معينة.
الفكرة عبارة عن جمع تبرعات ،
لكن بشكل مختلف...
الاختلاف بمبلغ التبرع وبمدة التبرع وبطريقة الجمع والتوزيع
مبلغ التبرع :
مبلغ الالف دينار كل شهر بسيط جداً جداً وممكن أي أحد يتبرع بي مهما كان عمره أو دخله المادي.
مدة التبرع :
مبلغ الـ1000 دينار يجمع شهرياً أو كل 6 أشهر أو كل سنة.
طريقة الجمع :
يجمع المبلغ لما يكون عدد المتبرعين من 1000 متبرع منتظم فما فوق (ومعنى منتظم أن الشخص يتبرع كل فترة معينة)
من بين كل 100 متبرع راح يكون النا مندوب مسؤول عن جمع تبرعات الأخوة الباقين لأن المبلغ قليل والعدد كبير.
طريقة التوزيع :
معروف إنو الحروب اللي عانى منها العراق من 2003 ولحد يومنا هذا خلفت كثير من الأيتام والأرامل وأكثرهم يعانون من الفقر والفاقة بضل اللا مبالاة من الحكومة .. ومؤسسات المجتمع المدني والمنظمات الخيرية .. يعني المؤسسات والمنظمات الخيرية كل اللي تكدر اتسويه هو توزيع الملابس والمواد الغذائية ولفترة محدودة جداً عدا الاحراج والذل اللي يسببوه لهاي الناس من خلال تصويرهم وطلب المراجعة لأماكن معينة.. وبالتالي مراح يكون الحل جذري للمشكلة .. طبعاً هذا مو معناه اهتمامنا فقط بالشهداء لكن أسر الشهداء لهم الأولوية ..
لذلك، حلولنا لازم تكون جذرية للمشاكل .. بحيث ممكن نوفر راتب شهري أو مشاريع اقتصادية توفر أكبر عدد من فرص العمل واهتمامنا بالنوع مو بالكم.
يعني مهما كان قليل عدد الناس اللي نساعدها بشكل يحل مشكلتها نهائي .. أفضل مما يكون العدد كبير والحل مؤقت.
المهم أخوان الفكرة قابلة للتطوير والتغيير لكن الأهم هو الخروج بفكرة لمساعدة الناس المحتاجة
وطبعاً نرحب بكل من ينضم النا
رد مع اقتباس
المشاركة الأصلية كتبت بواسطة سومر
