حبايب اليوم الموضوع يخص التسجيل بالجامعات
يعني من يطلع القبول راح اكلك شتسوي خطوة خطوة
اولاً :
تروح كبل لمدرستك تاخذ شهادة التخرج ( الوثيقة ) ...
ويسألك شنو قبولك ...
حتى يعنونهه الك ... يكتبون بيها كذا جامعة كذا كلية
انوب تاخذهه بوجهك تروح لمديرية التربية تصدقهه ... يختمون عليهه و كذا وطبعا اكو مدارس ينطوهه الك مصدقه كامله...
ثانياً :
تروح للمكتبه تاخذ استمارة فحص طبي( ب ٥٠٠ دينار ) ...
تاخذهه من المكتبه وتروح للعيادة مالتكم الي مرتبطة بمدرستك وهناك يقطوك ب25الف بالعياده
عود يفحصونك ...( يقطَّونك قطَّة مسنعة ) ... بس تگلهم للجامعة يترسونها تواقيع
ثالثاً :
تروح للمجلس البلدي تاخذ تأييد تعنونه للجامعه ( علمود المنحة ) ... واكو بيهم يسوونه بعد الدوام
انته ذني سويهن بأول يوم وارتاح
هاي كلهه الدوخة بيوم واحد تكملهه وبعدك مارايح للجامعة
رابعاً :
تروح للجامعة وعندك شهادة تخرج السادس وفحص طبي وتأييد مجلس بلدي ... تدخل للعميد علمود التسجيل
يكلك جيب التسلسل مالك ( طبعا تلكه قوائم بيها اسامي و يم الاسم رقم ... تنطي للعميد علمود التسجيل )
انوب تاخذ استمارة مال تقديم ... كل جامعة والهه سعر لكن اغلبية الجامعات ب25الف ...
تاخذ الاستمارة وتسوي انسيابيه تقدم بيها عالاقسام ...
وراح ينطونك وصل حتى تكدر تدخل بي للجامعه براحتك خلال فترة اسبوع تقريبا او اقل
ويطلع القبول مال الاقسام وانوب تداوم
وفترة من الدوام ويسوولك باج بمكان الوصل
منقووووول
رد مع اقتباس
المشاركة الأصلية كتبت بواسطة misso
