الغربه
شرد اكلك
وصلت الحد الصياح اتصيح ليك
ولوعه بيهه
واسمع باذني الشماته
وره الباب اسمع حجيهه
وروحي ودهه اتروح يمك تشتهيك
بعدانه الوكت عنك والزمان
وانكطع ذاك الحنان
وراح من عدنه الامان
والله لو هد لوعتي اتهد وتجيك
ياحلم عمري اللي فات
وصرت صفنة ذكريات
روحي ذابت
ومني حتى الفرحه غابت
بيش افكر غير كل تفكيري بيك
هيه مو رغبة عشك يومين وتروح
انت حسره تكوم تكعد وي روح
انت حسره
انت ونه
مايونهه اله شخص ميت عليك
انت لوعه من اشوفك تستكن
انت دمعه النزلت بطرف الجفن
عاندتني
ومرمرتني
وتنمسح اله ابئديك
ياشهكتي اعليك شهكات اليتيم
ماتت امه
والدرب ظلمه عليهه
رخيص دمعه
واليعيش ابذله ياهو اليشتريهه
وانه كلت ابروحي لازم اشتريك
الفركه صعبه
والعشك لوعات دربه
وتيهت كل الدروب
والجدم تعبان رايد يعتنيك
هاي لوعات الغرام
نار بيه
تجوي ظلعي
لو صدك انت تحبني
اخذ منهه اليكتفيك
رد مع اقتباس