معلــــمين---
********
عالألم يوميه نغفه---
ومن يصيرالصبح نكعد---نفطرأبهم وونين---
أحلامنه زغارأعله كدنه---
نحلم بكيلوالطماطه---ونحلم بجف الطحين---
ونحلم بتنور أمنه---
تشتعل فديوم ناره---وجفهايخبزللعجين---
جدورنه من الماكو ملت---
وللمناصب أذكر من زمان هجرت---
وأذكرأمي---
كبل سبع سنين طبخت---
وبصحن همهاالنه صبت---
ومن أكلنه أحنه بشراها---
ظلت تعاين علينه---
وبالصحن دمعتهانزلت---
واحنه أكلنه دموع أمنه---
لأن جنه جائعين---
معلـــــمين---
*********
انخاف لو مرتنه غيمه---وأذامطرت حيل نحزن---
لأن عدنه بيوت طين---
سكوفهن بيهن فتوك---
وحياطين بيوتنه---بيهن شكوك---
يعبرن اعلينه برد---
وأعله حال الفقره عدنه---بهالبلد محد يصد---
البرد ويانه يغفه---
وحلم عدنه بليله ندفه---
وللفجرليليه نبقه---أعضامنه يخضها الرجيف---
ومطرت الدنيه علينه---
وطاح بيت الطين سكفه---
وصار مؤانه الرصيف---
الجوع كافر---
يعصر بمعدتنه جفه---
وصفت قمة أمانينه---كون تتكحل مقلنه---
بجف رغيف---
ننظر الشجرة عمرنه---
الورك منها يتطاير---
وأصبحت موحش شكلها---
وتشبه اشجار الخريف---
زغار والشيب أعتلانه---
والتجاعيد بوجهنه---
صوره للشيخوخه رسمت---
من كثر تعب السنين---
معلــــــمين---
*********
عيون عدنه تشوف كلشي---وعدنه أيدين أكصار كلش---
ماتطول أتنوش كلشي---
أرواح عدنه---
تشتهي كل شي تشوفه---
لاكن العوز بقسوته---
يجبر الارواح كوه---تترك الي تشيهي---
وتبتعد عنه وتعوفه---
والحقيقه---
كلشي ظل أحنه بنفسنه---
وأحنه كل شي مشتهين---
ومن طلب تفاحه أبني---
كتله ماعندي أشتريلك---وهاذاأكل الزناكين---
ردعليه ابني ودمعته---
شككت جفنين عينه---
لياوكت نبقه احنه فقره---
(بويه دين الفقره متعب---خل نبدله بغيردين)
بغير دين---بغير دين---بغيردين-
رد مع اقتباس
