يعباس افزع الزينب هلتنوح
حملت بضعونه اعداك وتروح
كثرة اعليهه المصايب والجروح
ياكفيل انهض وداوي اجروحهه
2*******************
مرمراهه البين عكبك ياكفيل
بس يتامه اطفال عدهه والعليل
شلون ينطيهه كلبهه من تشيل
وعافة اعزاز الكلب بحتوفهه
3******************
وين وعدك خويه انت الواعدت
طلعتني ابشيمتك وتعهدت
كل اخوتي موته كدامي شفت
ريت كبلك ميته ومذبوحه
4******************
ارد اسولف خويه ضيم الى جره
حركو اخينه يبو فاضل تره
حرمه ماعدهم لطفل ولامره
والعليل ايون وحار ابروحه
5******************
ضاع مني الراي خويه والفكر
بعد موت اخوتي كلي شانتظر
عيال عندي ماخذيهه لليسر
شلون كلبك طاوعاك اتعوفهه
6******************
يسرونه اوحده حداي الضعن
وخيم اعلينه المفارك والحزن
ياكفيل انهض وشك ثوب الجفن
عيال اهل بيتك يساره اخذوهه
7******************
واصعب علينه يبو فاضل تره
وليت اعداك وخذوني اميسره
جسم مرمي عفتك وفوك الثره
شلون حال الحره كوم واشوفهه
....................................
بعد ذاك الخير والعز والربه
وبعد هيبة هلي وذيج المرتبه
هسه تتحكم علينه الناصبه
ودار ابونه غصب خويه انعوفهه
خادم الحسين
عبد الله الركابي.الفضليه
رد مع اقتباس
