بعين البطل عباس تجري دمعتين
دمعه على الحوراء ودمعه على حسين
---------------------------------------
منهو المثل عباس للخوه شراي
كلبه التهب نيران بس ماشرب ماي
من ذكر كلب حسين كال انه وفاي
وعيوني لاجل حسين انطيه الاثنين
------------------------------------
دين بركبتي الماي كال انه عباس
شامخ اضل للدوم ما انحني الراس
وباجر اكصه الروس وافنيه الارجاس
فدوه الجفوف تروح لتراب الحسين
----------------------------------
ماهمه ينطي جفوف كل همه والراي
يسكي الضعن عطشان وامتاني الماي
يالتحسب الخوان كوم احسب وياي
بس خوة العباس من خاوه الحسين
-----------------------------------
لام البنين اليوم نهدي دمعنه
انكله يم عباس كلنه انجمعنه
ويه الزجيه اليوم صرتي انتي امنه
ونشارك العباس بمصاب الحسين
---------------------------
كلمات الشاعر الحسيني حسن نايف سعود الخفاجي