أداء : المنشد علي الدلفي
كلمات : الشاعر فاضل حسن
شراع قلوبنا رفعنه ... عقدنه لشوفته النية
بحرنه و الهوا عالي ...و اخذ بينه لشواطيه
إذا طالت مسافاتي
وصعب أوصلك حسيني
أوصي الليل المهاجر
يجيب احلامك لعيني
رسينه ...
على جرف العطش بعدك رسينه
غفينه ...
على نسمة حلم منك تجينه
يراعي الشوگ و الدمعة ... بعد عالهجر ما بيه
بحرنه و الهوى عالي ... و اخذ بينه لشواطيه
يا حسين ... يا حسين
---------------------------
شراع قلوبنا رفعنه ... عقدنه لشوفته النية
بحرنه و الهوا عالي ... و اخذ بينه لشواطيه
حسدناه الحمام الطار
ينام و يصحه بالحضرة
نسيم المر على الزوار
عطر من فاطمة الزهره
حبيبه ...
و حق ربي و محمدنه حبيبه
غريبة ...
أحس الدنيا من دونك غريبة
يخالق دمعتي بالعين ... عليك العين مطفية
بحرنه و الهوا عالي ... و اخذ بينه لشواطيه
يا حسين ... يا حسين
----------------------------
شراع قلوبنا رفعنه ... عقدنه لشوفته النية
بحرنه و الهوا عالي ... و اخذ بينه لشواطيه
أخذ بيه العشگ يا حسين
و احس نار الهوى بگلبي
بعد ما بيه غير اهواك
قليل شما كثر حبي
وسيلة ...
إلك غير الدمع ما الي وسيلة
ثگيلة ...
عليه اللحظة بفراگك ثگيله
إمامي الضيعك خسران ... سوه ايامه و لياليه
بحرنه و الهوى عالي ... و اخذ بينه لشواطيه
يا حسين ... يا حسين
رد مع اقتباس
المشاركة الأصلية كتبت بواسطة لوعة يتيم
