هنا

[الشاعرحسين عبدالهادي]

(أبن يقطين)

أذاجـــــوعان جارك وتــــــعَّرف بي
وتــــــــــغض النظرمايقبل الدين

أطعــــملك فـــقير بــــحاجه للـــــزاد
صدكني كأنك زايـــــــــر حسين

طاف أبــــيت الله الـــــــــخاطـرأيتام
وهوه بديــــــرته حج أبن يقطين

من أجل الـــــــفقير أستشهد حسين
وأطلَّق صرخته بوج الــسلاطين

نسيريريد من عدنه أعله مســـــراه
وبــــــوجه الضلم نصبح براكين

مامحتاج نبجي أعليه الــــــــحسين
ولافوك الـــــــــصدرنلطم الجفين

ولابــــــظهورنه أندك الــــــزناجيل
وندمي ظهـــورنه ونترك نياشين

ولاننصـــب مئاتــم ويــــــن ماجان
وأنطرروسنه بنصل الـــسجاجين

ولانــــطبخله قيمه وتـــــمن أطنان
وعوائل جايـــــعه ماتملك أطحين

حسين يـــــريــــدنه نتـــفقد أحـوال
الناس العايـــــزه وننطيها تمـوين

وأذاموجود هسه ويانه الــــحسين
مايرضه وأريد أقسم بالـــــحسين

كبته من الذهب مصيوغه والماس
ويبات الـــــجوع ببطون الموالين

ويم حايـــط ظريحه يجدي مسكين
والــــتدبيرقــــــــــوت ه ماله تمكين

أذايظهـرحسين الــــــيوم ويشوف
بحبل الــــــــــعوزمجتوفه الملاين

صدكني يحشم جفـــــــوف عباس
يشـَّـلٍعْ ذهب كبته الـــــــعالحياطين

ويوكف هــــوه بيده وأجزم بهاي
ويوزعه بالتساوي أعله المساكين

[مـــــــــــروه]