هنا

[بهلول الرشيد]

لاتسايسيها ولاهم يحزنون
اذا شفتي المشرف او المشرفه كبل اشتكي عليه

[#ولاية علي افضل#]

هي موبدون سبب اعداد الطالب صف الاحيائي كثيرين اني دخلت لمدرسة بدون رضها دخلة لمدرسة بتوصية من مدير هية الاشراف التربوي لهذا السبب تكرهني اني احضر بس لان طبع لانسان النسيان هسة اذا انسة حرف تسمعني كلام وتهيني امام زميلاتي زميلاتي يكولن صبري ولا تردين بس ما اكدر والله اختنقت وكرهة المدرسة كلهة اهمل الكيمياء والفيزياء ولادب ولاسلامية بس علمود اركز على الاحياء

[#ولاية علي افضل#]

عمي مشرف تربوي كال بس تستمر بزعاجك كولي اوجلهة رستن انذار اول بس اني ما اريد اكبر المواضيع

[تشيللو]

مدارس تالي وكت. .. للأسف ماكو إنسانية

[ايناس♡]

سلام عليكم.....لايحق للمدرسة الكلام بهذه الطريقة مع الطالب.....اولا.....تكلمي مع مديرتك بخصوص تعامل المدرسة معك...واذا استمرت المدرسة بهذا الاسلوب ولم ينفع معها الطرق السلمية.....على ولي الامر......والدك او اخوك او والدتك كتابة مذكرة وتقديمها الى مدير الاشراف وسيقوم بتحويلها الى مشرف تربوي لتشكيل لجنة تحقق في الموضوع....وسيقوم المشرف بزيارة المدرسة وعندها يتم استدعاء المدرسة مع ولي الامر ويناقش الموضوع وينتهي اما بالصلح ومعالجة الامر او يتم احالة الشكوى الى لجنة تحقيقية....وعندها تتشكل لجنة تحقيقية تنتهي اما بغلق الموضوع او عقوبة المقصر....... عزيزتي حق الطالب مكفول من قبل الاشراف التربوي............

[إبتسـامة فـــآترة]

والله ياحبيبتي اخذيها نصيحه مني ..
طالب السادس كون يچلب بالكتاب مالتة لويوكف على راسة فرعون!
اني شخربني وخرب معدلي غير هالسوالف مال اشو فلانة حجت وفلانة سمعتني حجي وكوة جنت أضوج بروحي حتى مااقرة واطلع اعذار واهية ..

أتذكر بمرة من المرات بدرس الأسلامية المدرسة دتشرح واني عدلت ساعتي بس حركتها جان تكولي ليش تباوعين للساعه وشنو معاجبج الدرس واطلعي برا (مع العلم اني جنت أشطر طالبه عدها) وهم خلصتها مناحة ودك وبجي

وهسه اكولج متندمة على كل لحظة ضيعتها أفكر بفلان وعلان وماافكر بكتابي ..أحجي هيج لان مااريدج تغلطين نفس غلطتي
لتديرين بال لأي شي غير كتابج عسى ما تكفخج هاي المدرسة ظلي ادرسي وادرسي وادرسي ولتملين ولتضوجين# كتاااابج_أهم
وطلعي معدل عالي وبعدين تعرف قيمتج

وبالتوفيق غاليتي

[ايناس♡]

عمي مشرف تربوي كال بس تستمر بزعاجك كولي اوجلهة رستن انذار اول بس اني ما اريد اكبر المواضيع

هذه المسائل تعالج عند الاشراف...لا تترددي واكتبي الشكوى وليتابع والدك الموضوع فأذا ثبت صحة كلامك تتوجه لها عقوبة لفت نظر.......

[علي الموسوي الموسوي]

السلام عليكم
اني طالبة سادس احيائي بسسبب ضرف خاص انجبرت اغير مدرستس مدرسة الاحياء بمدرستي الجديدة شدة وياي فرد شدة ليش جاي تكلي منو انطاكي قبول شلون تجين لمدرسنة تكلي رجعي لمدرستك وساعات تكلي حولي تطبيقي تكلي بكل صراحة اني ما اريدك ويانة بالصف ارجو المساعدة شسوي مع العلم اني ما اكدر اغير المدرسة لان ما اكو غير هاي المدرسة بالمطقة اقرب مدرسة غيرهة على بعد ربع ساعة بالسيارة

حضرتك في اي محافظة جائز نستطيع ان نساعدك

[انسان ثاني]

عزيزتي
فتحي هذا الرابط .... هذا قسم الشكاوي في وزارة التربية
و تگدرين تشتكين و تكتبين كل الي عندك
http://www.epedu.gov.iq/index.php?name=shakwa

[#ولاية علي افضل#]

السلام عليكم جميعا والدي حل المشكلة وراح لمديرية وكلمهة وقال الهة انو نحن نريدهة نريد تضل احيائي ومانريدهة تحول تطبيقي اذا صار وما نجحت او عادة السنة او ما طلعة معدل محد يلومك اصا تضلين على هل اسلوب رح اشتكي لتربية ومدرستي فشلة بحضور والدي وكالت هذا قراركم بكيفك بعد لما دخلت علين غيرة اسلوبه وياي مئة بالمئة شكرااا لتفاعلكم مع لمشكلتي