هنا

[ضياء الصافي]

...........
عمه زينب ارد انشدچ وين ابوي
خاطرامشي افرش ال امصلايه
هيچ عودني اعيش وياه صلاه
واغفى من يهمس باذاني حچايه
اوكف گباله واحس روحي بهواه
عمه ابوي اگبالي اشوفه مرايه
انا طفله شلون اعيش بلا حنان
حضن ابوي ابكل وكت تچايه
عمه حاچيني احلفچ بالعزيز
ليش ما اشوف العَمد والرايــــه
عمه خاف عيوني شح بيه البصيص
لو صدگ مامش بعد حمّايه
عمه گمت اسمع دبچ خيل وصهيل
وگمت اشوف النار شبّت بالخيام
وانا ترچيتي حرز من طاري ابوي
حيل جرها ومارحمني ابن اللائام
لاستر لاخيمه ظلت .وانا اشوف
عيونهم تمطر على الخدّر سهام
هسه حيل اتيقنت ماظل عضيد
عمه اعذريني بعد مابيه انام
بس اصد خليني واحضن راس ابوي
خله اشمنّه وعلى الدنيا السلام

.....ضياء الصافي...

[الياسمين]

قصيدة تفيض شاعرية وأوجاعا
لا عدمناك سيدا وشاعرا رائع الحس والحرف
دمت بحرا من الكنوز والدرر شاعرنا الكريم
تقبل من أختك كل الود والتقدير والاجلال

[أغرد بهمس]

السلام عليك يامُدلله الحسين

ابدعت

[shamim]

السلام على الحسين
السلام عليك يا عزيزة الحسين
السلام عليك يارقية ..
قصيده رائعه وكأن حروفها خطت من ذهب
سلمت يمناك وطيب الله انفاسك
سيدنا الغالي ..ارق التحايا

[أُمنية]

سلمت الأيادي

[ضياء الصافي]

قصيدة تفيض شاعرية وأوجاعا
لا عدمناك سيدا وشاعرا رائع الحس والحرف
دمت بحرا من الكنوز والدرر شاعرنا الكريم
تقبل من أختك كل الود والتقدير والاجلال

لكِ فائق الشكر والإمتنان..
تقبّلي ثنائي البسيط أختي الكريمة..

[ضياء الصافي]

السلام عليك يامُدلله الحسين

ابدعت

اي والله المدلله
انرتِ..

[ضياء الصافي]

السلام على الحسين
السلام عليك يا عزيزة الحسين
السلام عليك يارقية ..
قصيده رائعه وكأن حروفها خطت من ذهب
سلمت يمناك وطيب الله انفاسك
سيدنا الغالي ..ارق التحايا

لحضوركِ سمو...
ممتن لهذه الكلمات الممتلئة بالاحساس.
شكراً اختي الكريمة..

[ضياء الصافي]

سلمت الأيادي

سلمت ذائقتكِ..
ممتن.

[الملاذ الاخير]

هسه حيل اتيقنت ماظل عضيد
عمه اعذريني بعد مابيه انام
بس اصد خليني واحضن راس ابوي
خله اشمنّه وعلى الدنيا السلام

سلمت الانامل الولائية
ها انت كما عهدتك مبدعا وراقيا
تحياتي سيد