أداء : علي الدلفي
الشاعر : فاضل حسن
يا ندى مر على عيني ... قبل ما تزور الورود
خايف المهدي يجيني ... و الدمع فوگ الخدود
مشتري بعمري التذاكر
ذبلت أوراقي على باچر
ويه النهر و بطير أهاجر
بغيبته ما الي وجود
معذورة ... يروحي لو طلعتي بجيته معذورة
مشكورة ... على صبر الصبرتي وياي مشكورة
الك گلبي امتله
شگد شايل هله
ترس روحي عشگ
و غيرك ما اله
.....................
أمشي بنصاص الليالي ... ما يمر بعيوني عيد
وين يالعنك سؤالي ... ليا وكت عني بعيد ؟!
آنه عند الناس صابر
صارت جروحي دفاتر
فنه لو يكتبهه شاعر
تعبَّت ساعي البريد
بجروحه ... يوميه يتعنه الگلب بجروحه
من روحه .. يجيك بلا تعال لوحده من روحه
النشد ما ابطله
عشگي على اوله
لأن عنده بغلاك
و لا واحد غله
....................
وين لو شمسك تجيني ... لوين يا مهدي المغيب ؟!
لجيتك لازمهه روحي ... يالفرج گالو قريب
حاولو ما غيروني
بدربك شما ضيعوني
وگفت دمعة عيوني
خاطر يمر الحبيب
معروفه ... أنا السالفتي عند الناس معروفه
بحروفه ... أگضَّي اربع فصول العام بحروفه
وحق اللي عله
و كتاب النزَّله
أشوفه بعمري خير ... اليوصلني اله
....................
أسأل و بشفافي مهدي ... سولتي كلمة تعال
و الصبر ماهو على گدَّي ... و الهوا بثگل الجبال
أحچي بس ما چنَّي گايل
الشوگ بين عيوني سايل
انمسحت حروف الرسايل
ابَّعدك آنه حالي حال
مو صورة ... رسمنه بالوصف يوميه الك صوره
مكسوره ... على دربك خواطر ناس مكسوره
تره وقتك حله
إجمع حاصله
مو مال الزمن
تعال و عدَّله
mp3
رد مع اقتباس
المشاركة الأصلية كتبت بواسطة abuessa
