أداء : ملا باسم الكربلائي
الشاعر : صفاء الدفاعي الرميثي
يا حسين ... هايمه الروح بجمالك
يا حسين ... نشتري الموت بوصالك
يا حسين ... نفتخر صرنه على بالك
يا حسين ... يا حسين
.............................................
عطر يوسف كربلائك
گمنه نشتمهه بردائك
نحيى و نموت بلقائك
يا حسين
كعبة ابراهيم رمشك
يلي ساق العرش عرشك
كل ملك سلمان نقشك
يا حسين
كل وجود الكون ظفرك
العرش إشعاعه شعرك
كل ضياء الدنيا نحرك
يا حسين
يا جميل ... الجنة تتنفس أريدك
يا جميل ... تاهت الروح بخليتك
يا جميل ... ما لگه الكون بمثالك
يا حسين ... يا حسين
...........................
جابنه عطرك و اجينه
و انت متفضل علينه
صحت باول صوت بينه
يا حبيب
يا حبيبآنه حبيبك
تكشخ الجنة بمشيبك
طاهر و طاهر حليبك
يا حبيب
شيخ أنصر بزمانك
علي ماخذ كل كيانك
انت باب الله مكانك
يا حبيب
عاليمين ... انت يم شباچي گبرك
عاليمين ... حاجبي و الدنيا بأمرك
عاليمين ... و الملائك من شمالك
يا حسين ... يا حسين
...........................
وجهك اليسحر بصرنه
ياخذ بنوره عمرنه
يالصحت لمن حضرنه
يا زهير
واقف بوجهك يطالع
و انت فكيت الأصابع
گتله شوف الجنة تابع
يا زهير
عاف كل أهله و عمامه
طاح مأسور بغرامه
و انت ناديت بسلامة
يا زهير
للخلود ... گتله عوف الناس كلهه
للخلود ... إترك الدنيا و اهله
للخلود ... إبهر الكون بقتالك
يا حسين ... يا حسين
............................
حافظ القرآن گلبه
بيده سبحه و بيده تربه
من صحت هيجت حبه
يا برير
جبهتك قرآن ثاني
انت يا سبع المثاني
گتله بالطف الأماني
يا برير
رتل آيات انتمائي
و اسجد بتربة ولائي
تشعر بلذة عطائي
يا برير
بالكتاب ... آنه مظهر للمعارف
بالكتاب ... راح تقراني مصاحف
بالكتاب ... چم وحي بيه قرالك
يا حسين ... يا حسين
...........................
وهب نصراني و حضنته
جون أسود بس شبگته
و الغلام التركي شلته
يا عجيب
من يجن من حقه عابس
لو يشگ بيده الملابس
انت كل ربعك نفائس
يا عجيب
ما يموت اللي يحبك
ما يتيه اليمشي دربك
يا سلام الله على گلبك
يا عجيب
و السماء ... انت تعتبرك سماهه
و السماء ... تداينت منك ضواهه
و السماء ... عاشت بومضة خيالك
يا حسين ... يا حسين
رد مع اقتباس
المشاركة الأصلية كتبت بواسطة عيون الذئاب
