هنا

[أنثى حائرة]

السلام عليكم
عظم الله لكم الأجر جميعاً
.
.
طبعاً مشكلتي الأعاني منهه هي..
أحب شخص نتبادل اني وياه بنفس الشعور وصارلنه فترة طويله انه وياه بحدود ال5 سنين.. هو ولد فقير عله گد حاله
كون حاله شويه شويه وگالي اريد اخطبج
وحجه وي والدتي بخصوص هالٲمر
انه اعرف هو ماعنده وديسوي هواي شغلات حته يجمعله كم فلس ونتزوج
ماعنده احد يساعد لااخو لاعم لاخال هو يتيم وحده
والله يشتغل من الصبح بالليل ومتحمل الحجي حته يلم فلوس زواجنه
لماله مبلغ بسيط علمود المهر
اهلي وافقو بس من عرفو المبلغ المهر هيج قليل بدة الرفض..
حيل كسرو ٲملي من گالو الناس شتگول ماعدهم خبز مطينج هيج عمامج اهلج الناس شتكول شوفي فلانه من تزوجت شوفي ذيج شطوهه .. گتلهم حته حرام الامام علي والسيدة فاطمه مهرهم درع كالو لاانتي فاطمه ولاهو علي زمانه يختلف نريد الج مصلحتج باجر صار شي..
ٳنكسر حلمي جنت حيل فرحانه وكلت راح يتخقف حلمي لٲن وحق الله حيل تعبنه من الحجي والمشاكل ..
بس ٲريد اعرف المهر شنو قيمته اذا جنت انه رايده اعيش وي شخص احبه وحبه هو مهري!
اني لٲن ماعندي مكان افرغ بيه حسرتي حجيت معاناتي اهناء
بس مااعرف شسوي حيل مقهورة والله انه احبه واريده بس الزمن بلحظة فرحتنه غير كلشي..
ياريت منكم الدعاء دعوة الغريب للغريب
مجابه..
الله يفرج عني وعنكم
..

[ٱجَمل ٱنٌسًٱنٌة]

المهر اذا زاد اواقل مراح يضمنلج السعادة او حقوقج في حال اردتي الطلاق لان تتنزلين عنها حتى تخلصين منه مجرد حبر ع ورق .
حاولي تقنعيهنم انتي راضية ومقدرة حالته المادية
الله يكتبلج الي بيه الخير

[‫#⃣عازف#⃣]

لو فرضنا اكمل مبلغ المهر وتزوجتما وين راح يسكنج وهل يستطيع ان يقوم بواجبات البيت كزوج اقصد مصروف البيت السكن نفسه اذا كان ايجار يكدر يدفعه بعده انتي راح تحملين والمراءة الحامل تحتاج رعاية خاصة وهذه الرعاية تحتاج فلوس وبعدين مصاريف وضع الحمل والطفل كل المشاكل اليوم بهاي الدنيا هي الفلوس هذا الشاب يكدر يوفر هذا كله انتي فكري بهذه الصورة اذا مهر ميكدر يدبر شلون راح تعيشون
اتمنى من الشباب يكونون واقعين اكثر اني ما اريد اكسر بخاطرج ولاكن هذه الحقيقه لان بعدين راح تصير بينك وبينه مشاكل والحب راح ينقتل بيناتكم وممكن يحصل طلاق
واعتقد زواج تقليدي افضل للفتاة من ان تكون مطلقة

[هبة الله..]

اهلج وياهم حق الضروف صعبة ومتطلبات الحياة هوواي
يٱمن ع مستقبلج وي الشخص المناسب بس بنفس الوقت مو عامل رئيسي اهم شي الولد واخلاقة
فكري عدل لتخلين طرف الحب عامل لرئيسي
بعد يومين حتزوجين الله يرزقكم بجهال تامنين ع مستقبلهم
هوه عنده شهادة !
اتمنى لك كل التوفيق

[ياسر1989]

السلام عليكم
الامر معقد، ولكني لا أتفق مع أصحاب الآراء أعلاه، الحياة معادلة صعبة لا يمكن الحكم على نتيجتها بهذه السطحية، يوم تقدمت للخطبة لم أكن أحسن حالا من صاحبنا المُشار إليه، لم اكن أملك الكثير وعملي كان غير ثابت وما أزال طالبا جامعيا.. مع ذلك توكلنا على الله فكفانا واليوم لي منزل شخصي وعمل دائم ودخل مستقر..
إذا كان شخصا كادحا فهو يستحق منحه فرصة ولكن ليس على حساب الآخرين.. أنت ترين أنه شخص كادح وتحبينه وكفى، والأصدقاء يرون أنه فقير فكفى، ولكن لم يتطرق أحد الى دينه وأخلاقه والتزامه، وهل هو كادح حقا أم يمثل دور الكادح، هل هو صاحب طموح؟
هناك من يكدج ليل نهار ليوفر لقمة العيش ولكنه لا يملك خطة للمستقبل ويعيش كل يوم بيومه.. وهناك من يعمل أقل ويخطط أكثر وينفذ خططه، الثاني أنجح..
الزواج ليس لعبة والحب أصبح صناعة، لذلك دققي النظر.. وحاولي أن تجيبي على الأسئلة التي طرحتها عليك لتحكمي على الموضوع..

[fairy touch]

السلام عليكم

اعتقد اللي قبلي جاوبوچ ...يابنتي خمس سنين و المهر ما لامّه ...شلون رح تعيشون ...ترا المشاعر مرات تعمينا عن الواقع ...
مرات اكو اهل يساعدون البنية و زوجها ..و الظاهر انت اهلچ مو من هالنوع ...
اعرف يعني شنو حب ...
لكن الحياة قاسية ...
تريدين تصبرين اصبري بعد ..شوفيه ليوين رح يوصل ..بس لا ترتبطين بهيچ ظروف . حتى لا الفقر يقتل الحب و الندم ياكل حياتچ ..
اذا دخل الفقر من الباب هرب الحب من الشباك ...
نعم ..تأكدي ان هذه المقولة صحيحة .

الله يرزقه ..و يهنيكم .

[ليديا]

لماذا لا تقولين هذا الكلام لأهلك.. لا تدعي عاطفتك تتحكم بك، فقط اخبريهم انك ستتحملين العيش معه في ضروفه القاسية و انك مستعدة أن تبيتي ليلة أو ليالي عدة من غير أكل و انك مستعدة ان تحرمني نفسك من الظهور بملابس فاخرة أمام الاهل و الأصحاب في الأعراس و اللمات.... اخبريهم أن السعادة التي ستظهر عليك لأنك معه سيجعلك تبدين مثل أميرة منعمه... اخبريهم انك لن تشتكي وانك ستساندينه وان الله سيفتح عليه و سوف تتحسن أموره... اخبريهم بيقين و إصرار انك تثقين به وأنه شخص يعتمد عليه وانك ستكونين بخير معه... اخبريهم انه مستعد ليكسر الصخور ولا يدع الحاجة تعضك بنابها... اخبريهم انك لن تتألمي ولن تحزني لأن زوج اختك أهداها العقد الخامس من الذهب في حين بعت انت خاتمك الأخير... اخبريهم انك لن تتحسر على مشاهد و موائد البذخ عند الاهل و الأقارب لأنك تقضين ليلك ونهارك هانئة مطمئنة وتنامين قريرة العين
أن كان الأمر كذلك.. وكنت على يقين من ذلك، فأنا واثقة أن اهلك لن يمنعوك لو صمدت وقلت... أما أن شعرت لوهلة انك تضحين بكل هذا و ذاك من أجل من تحبين فالأفضل لك أن تقتلي هذا الحب الان لأنه سيهرب منكما لاحقا و تصيرين شماتة بلسان الحاسدين....
نحن نرتبط بمن نؤمن بأنه سيمنحنا الأفضل... أفضل من أي شيء نملكه.. وليس بالضرورة يكون ماديا...
الله يهدي سرك ويرزقك الخير كله

[وَدْق]

الله اكبر
الله يكون بعونكم

[bnota]

بالعكس ماكو مشكله الموضوع انطي فلوس مهر وخلي يجي يتقدملج اعرف هواي ناس هيج وتزوجوا واحلى حياه عايشين

[صبر العقيله الموسوي]

يا اختي اهلك معاهم حق ايضا يردون يامنون ع حياتج اذا شفتي روحج تكدرين تضحين بكولشي وتعيشين وياه حتى لو ع حصيره وماتتندمين بيوم من الايام ففاتحي اهلج بالموضوع واصري اما اذا تكولين هالشي بس لغرض الحب فاكو كثير من العوائل تطور حبهم بعد الزواج والله يجعل لكم البي خير