هنا

[احمد العثمانيے]

استسهلوك بكثر ما شوفك صعب
وانعم الله عليك يبن اول درب
بلا خضار سدورنا وغيمت اديك
ولسه نحرك واكف اعله شفافنه و مدري شيصب ؟
والكاع تكره ناسها شما تنغصب
وكال كلبك ( غيرها) .. وكالوا حرب
جان خيرهم سهم من كابلوك
وانت عندك؟ مدري ماعندك كَِلب؟
فوك من شفة محرم خنصرك مطبوع شامه
وراسك اعله الرمح غيمه ويزخ ثوار ونشامى
وفوك من حزنك بياض رسوم زفه وفرحه سمره
وواهليتك روس و عيال ويتامى
و ما مزعل احد عليك !
من عصاك النهر عفته،، وكتله تنشف بالسلامه
منين لميت البراد ابين سبعين الف جمره
منين كضيت الوريد ؟
وتطش من رگبة رضيعك حنطة حمرة
واعله دربه الطير ياكل !
خاف ينزلك ذليل وانت مشروعك كرامه
اسم الله دمعه اطيح عندك عالعدو كبل الصديج
اسم الله يالاسمك اسم الله وكمرة تضحك لليتيه بكل طريج
شينكره بيك وحجوك سهام غيض
وسمعك شما جايله يشاگف عشك
النخله عمه ،
وبالخيم طليع جنه،، ومالحك يوصل عثك
وحيرة الجربة چبيره!
ابين شفه تريد غيمه، وخيمه من كل وگلبها مدخنه باهل الله الصدك
دورت روحي وبجيتك
مالكيت انسان بيه
ارد اصير حسين واصفن ..
منين ادبرلي رضيع يروح حدر الله هديه
منين ادبرلي (حنين جفوف) ينزف حيل لو عطشت رقيه
منين اصير حسين وانه
انه كل اخلاقي حفنه وما مكفيات اعله اديه
وانت مدري شكد جبير
السمعوك حجارة وكحه
سمعتهم مزهريه
وهي ( اي) والكلشي يكضي
وطلعت شجم روح منك
ما خذوا منك (حجايه )
وصلبوا شجم نهر يمك مانخيت الله اعله مايه
شكد خسيسه عيونهم طاحت وراك
وجانت خيامك امانه ,,,وخزرة العباس ثايه
وزينب من البيت طلعت (بت علي )،، وردت عبايه
استغفر الله شلون يرضى الله اعلى نسوانك سبايا
وعوفنه من الحجي كله
ردت اصير حسين مثلك بس شفت روحي اعله كدي
ماكدرت اصرخ (حرام) اعله اليجودر كبتك خوف وتقيه
وفارش مصلايته من قماش خدي
وعوفنه من الحجي كله
المهم ماغش عليك
ومابكت لكمة يتيم بحجة العباس جدي

[فاضل ابو وئام]

احسنت روعه

[مـــــــــــروه]