عودني عله طيفك حتى انام اليل
وما اسهر بعد والسهر ينســـــــاني
… شاعر نعم لاكن لو حجيت وياك
ا حير شلون احلن عكدة لســاني
اضل ارجف شعر لو شفت وجهك يوم
وتذبحني بخزرتك وانسه عنــواني
قطعه من الشمس حقي من اغار عليك
من امك وبوك وهلي وخــــــــلاني
تكتلني الضنون ارفس رفس مذبوح
اذا كَالولي عنك تحجي وي ثـــــاني
وياخذني الزعل ومسح صور ذكراك
وماتقبل عليه وتبجي حيطـــاني
ويملكني الغضب بركاني يلهب نار
بس ادنه يمك يطفه بركــــاني
موبيدي احبك مره ردت انساك
عاتبني بحزن مايرضه نسيـــاني
احبك مره كتلي اليل صار نهار
واحس الناس صارت كلهه صحبـاني
يمعود دخيلك طال بينه الشوگ
تعال اغفه عله صدري ونام بحضـاني
تعال العيد جيتك وانه عين ايتام
مر بيه بفرح مرجوحة احـزاني
انه وي الحزن عشرة عمر وحباب
لا اگدر املـــــــــــه ولاهو مـــلاني
وامس من شاف طولك وأيد بيد وياي
زعل مني الحــــــزن وارتــــــــاح خــــــلاني
