يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
ابلايه ما يدري الحرس جيتك تراني
والله يسترني اذا يندل مكاني
يا حنين اشمعنه ميهزك حناني
خويه بس لا تعتقد مو زينب آني
ما اقلك بعدك اشسوه زماني
بس اقلك ردت اظل يمك ثواني
ماريد تنحرج
لا ريد تنزعج
ما طيل واختصر يعباس
يعباس ما متت ماتت الشريعه
يعباس فدوتك اختك الوديعه
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
انسه كلشي او خل نسولف انا وانت
ادري صعبه المنذبح يحجي اويه اخته
بس يخويه ابنومتك موقف ذكرته
مره نهر العلقمي ابمهدك رسمته
شفتك اتاذيت وقماطك قطعته
قتلك اهدأ خويه وبسرعه مسحته
زعلان من رسم
واليوم تبتسم
زعلان من رسم
واليوم تبتسم
ايام تنذكر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
من قمت تمشي صرت تمشي ورايه
يعني عالفطره تقول آني الحمايه
نقعد انسولف حكايه اتجر حكايه
ترفض امن ارسم نهر يمه ضمايه
اني ارسم خيمه خيمه محروقه او سبايه
وانت ترسم فارس او شايله رايه
ذكراك مؤنسه
هيهات تنسه
ذكراك مؤنسه
هيهات تنسه
بالروح تستعر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
آني احس عندك سؤال اتكَوله حسره
افتهمتك بس خفت كَلبك أكسره
من رحت لحسين أشرلي اعله ظهره
او سهم المثلث سحبته او سوه حفره
واني نمت اعله الجرح وصرخ يزهره
الهل سبب صارت عباتي كلها حمره
ارتاح وطمئن
ارجاك لا تون
ارتاح وطمئن
ارجاك لا تون
بلواي تستمر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
لا تناشدني اعله لوني ماكو لوني
ينخطف كلسا شكل من سلبوني
الله لا راواك من هجموا وجوني
جني مو زينب شبه ميته لكَوني
ابخبر موتك عالنهر من خبروني
مدري شنهو الصار وبيضت جفوني
واللون منخطف
والحال مختلف
مشغول هالفكر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
اني مقتنعه متت وكَبالك انعه
بس على افراكَك يخي كَلبي اشيقنعه
يبقى عندي بس طلب ردتك تسمعه
خويه تسمحلي سهم عينك اطلعه
من عسنه ابمهجتي او كَلبي يكَطعه
خوفي عينك تنشلع لو ردت اشلعه
خليه ابهل وضع
ما ريد ينشلع
بالعين مستقر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
يالعزيز ابداعتي بس لا أألمك
خل احب جفك وشم صدرك واضمك
اني ادري بهاي جلماتي تهظمك
بس اريد اتاذه بلكي اتوفه يمك
خلي اصبغ معصبي من مجره دمك
حتى من ارجع اقدمه صوغه لمك
وهناك نجتمع
ويسيل يادمع
بدماك تفتخر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
عندي ظلت مشكله او لتكَلي سهله
راسي من امشي ارفعه لو انزله
راسي من ينزل يحسبوها مذله
لو رفعته اعله الرمح راسك تعله
من يراويني الشمر راسك شكَله
خاف اطيح او طيحتي عالعله عله
معلوم مو سهل
ارجاك تحتمل
ظليت احتضر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
بعد عندي مشكله يا بو الحميه
اشلون نومتنه تصير ابهل مسيه
ابلا غطه والوادم اتباوع عليه
خل اسمعك شنهو حلي الهل قضيه
من جلوس انام بس نقعد سويه
حته وحده الوحده لو مالت تجيه
ما نام يا كَمر
وعتاد عالسهر
والنوح مستمر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
من رخصتك راح ارد كَلبي جبرني
وادري خصمك سوطه بيده او ينتظرني
لا يشغلك حالي حتى لو سطرني
ما ألومه سبيه يعتبرني
اني اختك ضرب المتون اشيضرني
حتى لو يغمه عليه لتحضرني
مشكور لا تجي
للموت ارتجي
لتخاف عالستر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
ها يعباس اشبعد وشباقي عندي
خويه ما متعوده اركب ناقه وحدي
منهو يثنيلي الركب ويكَول اصعدي
بالله منهو ألبي أأمن ونطي يدي
باجر ابكيف الشمر كَومي اكَعدي
هو يتمنه يره الدمعه اعله خدي
قانون بالسبي
مرفوض مطلبي
مقبول انسطر يعباس
يعباس ما متت ماتت الشريعه
يعباس فدوتك اختك الوديعه
ليش استحيت او تعتذر اني اظل ام الخدر
لتفكر ابسوط الشمر لبوة علي ما تنكسر
يعباس
رد مع اقتباس
المشاركة الأصلية كتبت بواسطة mohammed hasoon
