خاطري الليلة انكسر
دموعي صلت عالنحر
و انكسر قلبي بحجر
يا علي
ياعمر جبته اربي اتحملت اشجانه
يا ابن ريحانة محمد ياعلي الريحانه
چنت اشمك بيك تروى رويحتي العطشانه
ليش يا زهرة حياتي زهرتك ذبلانه
الله لا ينطي الدهر شذنبك وصاير وذر
قلبي صاحت و انفطر يا علي
قلبي محراب المصيبة و النوايح فرضه
يالرحت جفني بغيابك بالدموع اتوضه
يا علي وداعتك شبابك ما نسيتك لحظه
هم سمعت بقلب مرة ينسى دگة نبضه
نحرك الينزف نهر تعبي ينزف و السهر
ردلي رجعلي النظر يا علي
امك و امك هضمها يالحبيب مصابك
تروح مني بهالسهوله ما حسبتك حسابتك
انا و اهلي نروح فدوه يا علي لترابك
آه لو تدري يغالي شگد جرحني غيابك
ازرع وتالي الثمر ينخطف بيد القدر
زمزم اعيوني انفجر يا علي
يا نبي احساسي دخيلك لـا تيتم احساسي
من المهد حبك يغالي تخالط بأنفاسي
بيضت وجهي يا يمه انته رفعه راسي
بس يايمه قلبي بعدك بالهموم يقاسي
يا شبه سيد البشر طيفك بعيني صور
وحشه ليلي بلا گمر يا علي
احچي وي نحرك يايمه ودمعتي دم تهلي
ليش عاف الموت امك وانته ما عافك علي
يمه لا تحسبني انا معارضه لأمر العلي
أهل ما عندي يايمه و انته يا ولدي هلي
يا ضوه انجوم السحر نحرك الغالي اعتذر
و انا صحت من الخطر يا علي
حسبي الله مالي غيرك هوَ ادرى بحالي
كلمة صعبه بس گلتها و انمرد دلالي
وداعت الله وداعت الله يا علي ياغالي
من عگب عينك يايمه لن شمر يبرالي
حضروا نوگ السفر بالسبي عندك خبر
خيم بروحي الكدر يا علي
كلمات : علاء عبد الحسين الكربلائي .
قرأت بحسينية داود العاشور بصوت الملا : باسم الكربلائي ليلة ٩ محرم ١٤٣٨ هـ
رد مع اقتباس
المشاركة الأصلية كتبت بواسطة جراحات الزمن
