يبچّيني بمحرّم منظر الماي
مرمي بكل شبر.. وحسين عطشان
يبچّيني بمحرّم سود لثياب
تغطي كل محل.. وحسين عريان
تبجّيني المضايف بالذ ما طاب
وطفل في الخيمة يبچي: يمّه جوعان
يبچّيني الرضيع ثيابه خضران
وعبدالله صبغ لگماط دمّان
يبچّيني لولَيد الماتم يروح
وبرض الطف سقط للخيل ميدان
يبچّوني الشباب بكل عزا حشود
وسبط المصطفى مفرود حيران
يبچيني بثامن ورد ومشموم
بس جاسم ذبايح عرسه شبّان
تبچّيني الفتاة امكشّخه تروح
وزينب مقنعتها على التربان
واذا ترضى بشعرها بنيّه مكشوف
ما تدري لسكنه العفه نيشان
يبچّيني المواتم كلها فخمات
وفي الشام بخرابة تعزي نسوان
الزغيره ويه الابو للتعزيه تروح
ورقيه شافت الوالد على سنان
كل لقطه بمحرّم مصرع تصير
اذا يسرح خيالي واغمض اجفان
رد مع اقتباس
المشاركة الأصلية كتبت بواسطة نبع الحياة @
