هنا

[ارجع يازمان]

يايمه ياعريس للحومه زفوه!!
حسين االساعدي
،،،
يايمه ياعريس للحومه زفوه...وبدم رُكُبته السال بجفوفه حنوه
يايمه لا تبجين
روحي فده لحسين
يايمه ياعريس للحومه زفوه
///////////////////

وَصيتي وتكولين هاليوم أريدك
والحرب يا جسام تحسبها عيدك
وتناصر المظلوم والرايه بيدك
وتضوي هذا اليوم وبدم وريدك

يايمه لتوصين!!
روحي فده لحسين
يايمه ياعريس للحومه زفوه

/////////////////////

لا تنسه سهر العين ويه الليالي
وأشكد تعبت اعليك يوليدي غالي
دَللتك ابهل يوم جازي دلالي
راسي يضل للدوم بوليدي عالي

واجب توفي الدين
روحي فدى لحسين
يايمه ياعريس للحومه زفوه

//////////////////

بلحومه من طبيت سيفي بديه
عرفت نفسي ابزود لجيوش اُميه
وابن الحسن جَسام راعي الحميه
لا ما يهاب ابيوم من المنيه

شبل الحسن تدرين
روحي فدى لحسين
يايمه ياعريس للحومه زفوه

///////////////////////

والزفه ويه الموت تختم كتابي
لكن ابعمي احسين زايد عذابي
يايمه لا تبجين ساعة مُصابي
لو تنطفي ابهليوم شمعة شبابي

ماهمني سهم البين
روحي فدى لحسين
يايمه ياعريس للحومه زفوه

///////////////////////

واهناك اصيح ابصوت وينك يَعمي
وتسابك اويه الموت وتعنه يمي
مناك اجه العطشان وينادي بأسمي
وشبيدي كال اوسال دمعه اويه دمي

سولف ابدمع العين
روحي فدى لحسين
يايمه ياعريس للحومه زفوه
،،،
االساعدي

[قـَســم ✞]

شكرا لجهودكم

[§§زهرة البصره§§]

رائع