شلونكم درر
هاي السالفه سويتها من جان عمري 6 لو 7 سنوات ما اذكر بالضبط
اخر يوم برمضان و اطوها باجر عيد ع الراديو فكالنه جدي باجر عيد و نريد الغده مصموطه
الصبح باشرو بالطبخ و اني كاعد يم عمي جانت عده سياره واز وباتريها دوم كاعد المصخمه
جنه من نشحنه نضيفله تيزاب فعمي جاي يضيفله من التفت اني خليت اصبعي بالتيزاب و ضكت منه شويه فالحموضه صعدت الراسي و عيوني كامت دمع فركضت شربت مي و رجعت يمه و كلت هذا التيزاب الضاهر كلش زين فاخذت منه طاسه "من هاي الفافون " وضليت افتر بالبيت و حاير شسوي بيها شفت الطاسه جاي تنوكل كلت استعجل احسن من دخلت للمطبخ لكيت جدر المصموطه توه مخلص و اني اضوج منه درت الطاسه بي و ضليت اخوط بيها لابستها عدل
بعدها رحت العب دعابل بره رجعت تقريبا ساعه 12 ضهر توهم صابين غده كعدت يم جدي كلش توهم سمو اكل جدي اول لكمه صفن شويه نزع عكاله و هفني باول وحدهاني طفرت من يمه و كبل كتله والله مو اني بدون ما اعرف شني الفلم و جنت ناسي شسويت كلي انته مخلي تيزاب بالمصموطه اني ذكرت السالفه شردت كبل و لليل ممراوي وجهي
و جنت المشاغب الوحيد بالبيت ف لو كلوب يتحرك مكانه هم طيح براسي
رد مع اقتباس
المشاركة الأصلية كتبت بواسطة ★ نـجـمــــة شـتـــــاء ★
لا والله من وره العكال 