بداية كربله الهدنه يگولون الضحايا
و نهاية كربله عدنه يگولون الضحايا
الحسن فكره رسمه وعلينه صار دمه
يگولون الضحايا
امن ابتله بذريته ادم و الصراع ابتدأ بالدم
من جرح هابيل و امتد هالنزف ما يرضى يلتم
مثل دم الشمس باقي بكل زوايا الفي ينضم
من اول ايام البشر هذا شلعب جف الحجر
ويوم الحسن هالچف ظهر وهذا هم بالصحبة يزعم
لبسها الصحبته عِمه ابن ارخص بغايا
اجه يبدل شرف امه ابن ارخص بغايا
وگف يوم المدائن فتح حلگ المداخن
يگولون الضحايا
فرضت الاوضاع هدنه عالحسن يوم المدائن
شاف سيف البيه يحارب طلع حتى الغمده خاين
شاف ع الثقلين اميه تشحن صدور الضغائن
شاف الضمير اللي وهن مدفوعله هذا ثمن
خاف اعلى اسم الله الحسن اتوسخه غربان المآذن
اميه و صيت صحبتهم طلع من يا زوايا
و گرن شيطان فتنتهم طلع من يا زوايا
فتن شيطان بدوي بگت للآن تدوي
يگولون الضحايا
طاحت بدرب الخيانه ناس بيها الحسن أمن
مثل ما هذا العراق بجوعه گام الناس تسمن
أمن بناس التقوده وطلع بيهم خايب الضن
١٣ عام اتلاعبو بهاي الكراسي تناوبوا
بس فاشلين اتنصبوا شقدمو يا اوضاع احچن
شعبنه لا تسامحهم تسامح يا جناية
يربي مروتك افضحهم تسامح يا جناية
سبب كل المآسي زعامات الكراسي
يگولون الضحايا
ما نثق برجل دين اصبح سياسي الشخصة نتهم
و لا نثق احنه بسياسي رجل دين اصبح معمم
والاثنين بهالظروف شتحت ابطهم الله يعلم
خيط الثقة هذا انگطع ما بينهم و المجتمع
دين و سياسة من اجتمع حكم فاسد النه قدم
تدين ظاهري انتحلت صدگ يو لا دعاية
ويشوف التجربة فشلت صدگ يو لا دعاية
حقيقة لو دعايات تفاهات بتفاهات
يگولون الضحايا
احنه محتاجين ساسه بغيرة الحشد المجاهد
مو بغيرة من يسولف ع الفساد وهو فاسد
مو بغيرة من يساوم ع العقيدة واسمه قائد
نحتاج ساسه للعمل مو كثرة احزاب وكتل
يا بلد وصل العدد ميه إلا واحد
ترى المعدة السياسية ما تهضم هالرواية
وطن احزاب بيه ميه ما تهضم هالرواية
وحراميهم ينصبوه شبقه عدنه وينهبوه
يگولون الضحايا
كافي يا ابناء الملاهي و التشرد و الجوامع
خذتوا كلشي واخذو كلشي وعيفوا هذا الشعب جايع
طلعوا وانطونه العراق بغير دم وبلا فجايع
كافي يتجار الحكم منريد من عدكم لطم
احنه بعهد ذاك الضلم ما منعنه منه مانع
امتلت كلها مصارفكم يهالوادم كفايه
كفايه من تناحركم يالهالوادم كفايه
ترى ن زمان كلنه التناحر مو لجلنه
يگولون الضحايا
سادتي لجل العراق اتوحدوا و لتضعيونه
أطو هالرايات كلها وتحت راية وحدونه
بانتخاب الجاي احنه من نذلكم سامحونه
يا احزابنه المتناحرة وصلت لحد المسخرة
اصبع يغيركم ترى الشعب لا متغيرونه
ترى خيطه سوالفنه وصل حد النهاية
وركض هذي عواطفنه وصل حد النهاية
بداية فاشله هاي وعينه للذي جاي
يگولون الضحايا
كلمات : صلاح أمين .
اداء : ماهر الشبلي .
طبعت بأنامل العبد المذنب علاء 3laa
رد مع اقتباس