هنا

[فقار الكرخي]

الحسين يخاطب العباس
*****************
من طحت يا ضنوتي وطاح العلم
طاح گلبي اوياك والحيل انهدم
يم الماي/يالوفاي/يم الماي/يالوفاي
*****************
گلبي طاح بطيحتك يم النهر
وانحنه لمصيبتك خويه الظهر
آنه اخوك وبيك صوبني الدهر
ريت گبلك دنيتي صارت عدم
يا رجواي/يالوفاي/يم الماي/يالوفاي
***************
يبن ابوي وردتك اليوم الشديد
بعدك اشكي همومي المن يالعضيد
حتى عبد الله اگطعوا منه الوريد
بين اديّه وروه من فيض السهم
شنهو الراي/يالوفاي/يم الماي/يالوفاي
****************
مثل يوم المرتضى والمجتبى
جرحك وضلع امي واحد أنسبه
بحكم أيمانك نلت هالمرتبة
وآنه بعدك اجرع هموم وألم
لّبي انداي/يالوفاي/يم الماي/يالوفاي
****************
ريته سهم الصوبك يا خويه صد
لابن ابوك حسين والگلبه گصد
من رحت عني يعباس انمرد
هاللگلب والچبد من عندي انثلم
بيد اعداي/يالوفاي/يم الماي/يالوفاي
****************
ما يهون اعليك تترك سيدك
لچن تعلم عالشريعة موعدك
خويه يا حيف الدهر مني ابعدك
والأعادي اخلافك اتدوس الخيم
ردهه اوياي/يالوفاي/يم الماي/يالوفاي
*****************
وگفتك ما منهه وگفة يا بطل
شابحه الأبصار يم ميّك تضل
حيف جودك للعطاشى ما وصل
جودك امن اسهام خصمك ما سلم
جمرة احشاي/يالوفاي/يم الماي/يالوفاي
***************
شَرد اگول السكنة والزينب شاگول
من ارد صوب الخيم لآل الرسول
وسفة هذا القدر يا خويه يحول
بيني وبينك يشيال العلم
راعي الواي/يالوفاي/يم الماي/يالوفاي
****************





الشاعر قاسم المندلاوي

[حسن هاشم]

احسنت مأجور شكرا للنقل

[‫#⃣عازف#⃣]

تسلم والله

[ابوعلي/]

السلام عليك ياسيدي ياابا الفضل .شكرا ع النقل

[ذكريات ٢]

مأجور استاذ فقار

[يوجين]

مأجورين .. عاشت ايدك

[فقار الكرخي]

نورتو الموضوع

[كرار الحسيني]

أحسنتم

















































.

[فقار الكرخي]

نورت يالغالي