هنا

[3laa]

على النار والاخبار ضاعت واريد ابشارة

يا دنياي بالفراگ ضلمة و ضوه ما بيها
وليگول اجه حسين فدوة حياتي انطيها
انا اشتاگ و الاشواگ مجنونه ما اخفيها
اجركم صوركم اصحى و انام اعليها
يامرسول شكو كول قلبي تحرگك ناره

يهالناس ترى الحال ضلمة وبعيد الوالي
بالآلام چذب نام ليله اليفارگ غالي
بالحزان بلا اخوان اشعر بجهنم حالي
على الباب بالغياب بس الدمع يحلالي
بلا راي ارش ماي بلكت تجيني اخباره

يجي ليل يرد ليل وانا يمنتي اوسادة
بالعتاب والحساب واعلى اللطم معتاده
يالبعيد والوحيد كلشي عليه يتماده
يالحباب ولا طب جرح اليكرهه اضماده
تمنيت بلا بيت ما اريد اشوف اثاره

سمعناه تبعناه ناعي يصيح بلوعة
شنو الصار صحت ليش يثرب عليه مجموعة
حچه اوياي بالدموع شفت الخبر بدموعه
ترى حسين بلا راس خيل التدوس اضلوعه
بالخيول يسحگوه بعد اخوته و انصاره

بعد بيچ تسمعين عن الحرم وسكينه
بالعيال بالطفال صار الذي تخافينه
ابو الجود بلا جود لا يسرته و يمينه
نطه ازنود عالوعود عمچ وفه لحسينه
بلا عين و لا يمين مثل اليمين ايساره

بعد هاي حچي اهواي زينب ترى مسلبيه
زمن دار الف حيف صار الشمر حاديها
لو ضال اخو حسين من يگدر ايحاچيها
يويلاه ع النوگ حچي الشمر ياذيها
بالحساب ولا چان زينب تضل محتاره

عبد الخالق المحنه
باسم الكربلائي
ليلة ٣/محرم/١٤٣٨هـ

[أُمنية]

شكرا لك

[3laa]

شكرا لك

الشكر لله

[كليوبترا]

على المهجة السلآم..