عباس ابن حيدر علي
من الخيمة بنت الوديعه الزچيه
طلعت و الدموع على خدها… جريه
وگفت يم اخوها بحدود …… . الثنية
تكله. نخيتك. بنخوة عربيه
يا كافلي و عينت هلي
يخويه القلب يستعر ... من لهيبة
اضن الطلب مو صعب ... تستجيبه
تروح الشريعه يكبش ... الكتيبه
النهر من اساسه تشعلة تجيبه
جاوبها. يختي . ادللي
نضرها .. وبدت من نفرها .. البشاشه
قلبها .. بخوها بشر ... بنتعاشه
عطشنه .. وتضل يساقي .. العطاشه
تگصر معانا يبو الغيرة... حاشه
اي و النعم يا كافلي
مثل صاعقة .. ونزلت على .. العساكر
طحن بالجماجم .. نثر بالمناحر
عمل من جثثهم وليمة كواسر
گل للسباع تفضلي
نزل للمعارة وحسامه بيمينه
شبيه الغضنفر يحامي عرينه
الغضب لاح و عرگه نبض من جبينه
ولاهم بالالاف المحاوطينه
صمامه نار وتصطلي
رد مع اقتباس
