المستهل
ذليت الزلم بالغاضريه ..لعيون الزجيه
ويرف العلم ..ويه المنيه ..لعيون الزجيه
--------------------
ناس اتسولف الناس
ضحه ابروحه عباس
لعيون الزجيه
لعيون الزجيه
--------------------
مصفوفه الصفوف واقرأ معناها شنهي اللي تريده
ولجتل الحسين اليوم منواها هالجيش اويزيده
!!واجب للاخو واتلاكه وياها وانه ابن الصميده
وانطي اجفوفي والعين
فدوه الاسم الحسين
وبهاي المسيه
لعيون الزجيه
...............
واتحده الجيوش ابهجمتي اعليها وتشوف العقيله
والرايه الترف بعيوني اخليهاورايتهم ذليله
هاي المحكمه وبيهم اسويها بالهجمه الثجيله
ماجن عدهم اسيوف
شردت كل الصفوف
ذليت ال اميه
لعيون الزجيه
..............
أسرت النهر واشكثر حراسه سكنه الطلبت الماي
واجب يانهر تتخله بالطاسه لازم يمشي وياي
ما اريد الفرات اليغدر ابناسه ليش اتجاوز ابهاي
..............
عدهم صاير اشلون
واطفال اليعطشون
عبد الله ورقيه
لعيون الزجيه
جليل الغريب
رد مع اقتباس
