هنا

[MiSsO]

|| معراج الدم ||

عرجت للخلد حمداً وثناء قامت الاملاك صفا بالبكاء
طأطأي الرأس اليها يا سماء فلقد جاءت لعرش الكبرياء

فأخشعي واسمعي سلم الله على تلك الدماء

┉┉┉┉┉┉┉
​┉┉┉┉┉┉┉

من كبل خلق الحياة هل دماء الزاكيات الخالق بعلمة امتحنهة ونالت اوسام الجراح
اختصت بأطهر ذوات وبجسم فلك النجاة جرت باسم الله ونبضهة نادى حي على الفلاح

والى كربلاء فحسين قادها نحو الاباء

┉┉┉┉┉┉┉
​┉┉┉┉┉┉┉

بالسهم انصاب الامام الجنة صرخت حرام فزعت جهنم ثكَيلة ورادت الساعة تحين
على المثلث هل سهام توجهت بالاتهام كَلهة من فعلتهة تبرت اسفة لَكلب الحسين

ورمى بالدماء فبكتها كل ذرات الهواء

┉┉┉┉┉┉┉
​┉┉┉┉┉┉┉

بهل جرح صار انتهاك سوة بالكون ارتباك بالارض تبجي الحرايم بالسما تبجي النحور
رمة دمومة ونادى هاك رضا يا ربي لرضاك عرجت وما قطرة رجعت حمرة ويشع منهة نور

ترتقي تلتقي بدموع ذرفتها الانبياء

┉┉┉┉┉┉┉
​┉┉┉┉┉┉┉

تنازفت مثل الشعاع انصت الجرح استماع موطن الدم لو تكلم تفهم الحجية الجروح
هذا اخر اجتماع تكَلة يا حسين الوداع عايشة بجسمك حياتي مو سهل عنك اروح

شجني حزني ليس يتلوه سوى يوم اللقاء

┉┉┉┉┉┉┉
​┉┉┉┉┉┉┉

من كَلب هذا الجريح صعدت وكلشي يصيح موكب املاك ويحف بهيبة اثناء العروج
الله يستر من يطيح على الثرة ونحرة ذبيح بعدة ما طاح وكَلبهة بالعلى الكوثر يموج

يا ترى ما جرى خلف غيب فوق سدر الانتهاء

┉┉┉┉┉┉┉
​┉┉┉┉┉┉┉

طافت بعرش الاله والخلد مسكن دماه هية عكس الجاذبية وع الارض جسمة صريع
منهو صوتة نادى ااااااه وافجع العالم صداه هذا صوت الزهرة هذا شافت المنحر قطيع

ولدي خذ يدي نعتلي روحين من ارض الفداء

┉┉┉┉┉┉┉
قصيدة || معراج الدم || كاملة - إصدار بنات النبي محرم 1438 - باسم الكربلائي
كلمات الشاعر - علي السكَاي

[shamim]

بوركتِ

[MiSsO]

بوركتِ

نورتي الموضوع حبيبتي