║ براءة دمعتي║
براءة دمعتي تشكي يا غايب جمرة الآمي
صغير وعالم احساسي يصورلي طفل ضامي
اغمض عيوني واتأمل ابو يبجي ونحر دامي
رافع ايدي ودمعي بخدي يا رب سهل امر المهدي
┉┉┉┉┉┉┉
┉┉┉┉┉┉┉
حملت بكَلبي جرح الطف حملت من الصغر همي
وأحس عبد الله من ابجي يراقبني ويجي يمي
رباب وكل مصايبهة اشاهدهة بدموع امي
اهلي من صغري يعلموني عبد الله اشرب ماي عيوني
┉┉┉┉┉┉┉
┉┉┉┉┉┉┉
يا مهدي وروحي من صغري تحن ليك على فطرتهة
يتيمة لو شفت اذكر رقية ودمع غربتهة
عزيزة مدللة وراحت اسيرة وتجري دمعتهة
ماتت من فراكَ الوالي الغالي يموت على الغالي
┉┉┉┉┉┉┉
┉┉┉┉┉┉┉
طفل واتصور الكوفة واشوف بكل شبر ذكرى
حبيبة وصلت وحنت لابوهة وشاهدت كَبرة
تصد مرة على الحادي وتصد على الكَبر مرة
يا بوية الحادي مأذيني ليش انت وياه مخليني
┉┉┉┉┉┉┉
قصيدة || براءة دمعتي || كاملة - إصدار بنات النبي محرم 1438
كلمات الشاعر - عبد الخالق المحنة
رد مع اقتباس