رسايل ....
شعطلك عن الحلم
استاحشتك هوايه
شايف بروحي ذنب ؟
لو سامع حجاية ؟
يحسين هاي السنه طيفك ولا مرلي
وجف ابو فاضل طلع بالماي واشرلي
وكبل اربعينك نذر راح امشي مشاية
عطشان يابو علي
ردتك تمر غيمة
ما يمي اثر علكمي
ومطلوب الف هيمه
وكلما امر زينبك يزغر بروحي الحجي
وجفني اليجمل البحر
يستحي يهل ضيمه
من اوكف اكبالك احس
بيه شكثر تقصير
وجي ما فزعلك نهر
من اوصل لحضرتك
كون انكلبلك بير
واكف بنص كربله
واتخيل اخيامك
هنا طاح رب الوفه
هنا ركضت ايتامك
ومكسور خاطر رحت
يم كنطرة نوحي
وطاحن جفوف وعلم وتلاكن بروحي
يحسين بيه حجي ما ينحجي لغيرك
لو ما اشوفك وطن جا ماصرت طيرك
عاشورك بخاطري
وباهلت الولاية
دمعاتي كد عرفتي
وجروحك هواية
تراوالي وجهك نهر بس ما ضكت ماية
وتانيت بس ماطلع
صوت من المراية
أشايف بروحي ذنب ؟
لو سامع حجاية ؟
الماي يوم الطبك بيه لون من دمك
والذهب ما ينحضن ماريده يم دمك
وخاف النحر ينلجم
ما بوسك اشتمك
عاشورك بخاطري وباهلت الولاية
وينباك مني وجه كلما شفت راية
عقيل العرد
رد مع اقتباس