كامرات الكون كلهه الكربلاء
توجهت والزهرة خافت بالعجل
گطعوا التصوير دم يوم الطفوف
يجري حتى العالم العلوي نذهل
ترعب اللقطات خلاهه يزيد
وبت علي اعله الناگه مابين الدوّل
زينب يفروهه چاوين الاصول
عالاقل ردّوله مالات الجمل
كل وكت مظلوم حيدر من زمان
قام دين آخرنبي وبيمن كمل
مصطفى العقاد باخراجه شجاه
ابعد الاضواء عن خير العمل
مادرى الادوار عادوهن جديد
الكربلة السيناريو وناسه وصل
قدّموا فلم الرسالة الثاني بيش
سطـّروا أروع صوّر منذ الازل
صاحب النقل المباشر عالرضيع
وقــّف التصوير شيسوّي نشغل
ماي مسكين شكثرعبد الله راد
وحرملة بسهمه گطع كل الجدل
الخيّم محترگه واخوى بلايه روس
تجمع الايتام بس مثل الجبل
والخدر ماطاح تعرفهه الجيوش
شعره چا جبريل لو مسّـو نزل
زينب شندريهه مو بت البتول
عيب شگ الثوب عدهه اعله الاهل
سكتت بالكوفه كل نطفة حرام
وابقصوره ايزيد من نادت خجل
البطل يوم الرسالة نچانه ضاع
زينب بطف كربلة هيّ البطل
رد مع اقتباس
