يابا الفضل يابا الفضل--الشاعر حسين الساعدي
ظلمت علينه اشلون
وانته التضوي الكون
وانته الكمر
يابن علي وننخاك
هالساعه نتمناك
من الأسر
يا با الفضل--يا ابا الفضل
//////
ياخويه ياعباس
جيب الدرع والطاس
بيك انتصر
وترجب الجفين
وتخَلص اخوك احسين
من الشمر
وتحاجي ملك الموت
يازينب ابهل الصوت
تامر أمر
___
يابا الفضل --يا با الفضل
////////
هذا العليل اوياي
متعذب ابلواي
شاف القهر
عطشانه اريد الماي
كونك تجي عناي
جيب النهر
وانته النذرت ابهاي
يا شمعتي ابدنياي
وَفي النذر
،،،
يا با الفضل--يابا الفضل
////////
انته الجبتنه اوياك
يابا الفضل ننخاك
وبهل امر
نادينه ياعباس
خلصنه من هالناس
وانته الفخر
لازم ترجب اجفوف
خاطر يروح الخوف
كل العمر
،،
يا با الفضل --يابا الفضل
////////
من كربله لشام
محتاره بالايتام
وانه ابخطر
لازم تكوم ابساع
من النهر فزاع
مالك عذر
بسمك هتف ويكول
يتركنه ما معقول
صاح الخدر
__
يا با الفضل -يابا الفضل
-
حسين االساعدي
رد مع اقتباس