ضيغم ياكمر هاشم ولك باس
الجافل ماتلوكلهم ولك بس
اخيك وشعظم قدره ولك باس
ابيوم الطاح فوكك عالوطيه
وحك الغيره ما انطن وﻻهن
اخوهن مانكث عهده وﻻهن
يعباس الشمر بعدك وﻻهن
لمن طاحن اجفوفك عالوطيه
دمعك ﻻ تسيله اعليه كفه
ثلث تنعام من عباس كفه
لون ماينكطع يحسين كفه
ماواحد اخذ زينب سبيه
صحت عطشان ياخويه وﻻماي
يخويه انسلبت اهدومي وﻻماي
يريت اجروح دﻻالي وﻻماي
تجي هاليوم تنضرها الزجيه
يازينب
محضوض الضريحج زار والطاف
وحك حسين والعباس والطف
تظل ابروحي الج شوغات والطاف
لمن يظهر المهدي اعلل البريه
الشاعر سليم الجنابي
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
