حسين ياشمس الوفه وعنوانها
الجنه لجلك فتحت بيبانها
★★★★★★★★★
حسين ياعز الزمان وهيبته
الثار لجل الدين قدم ركبته
تعبد اﻻوثان ناس الغدرته
ابيوم هجمت عالسبط جيمانها
★★★★★★★★★
حسين ميدور رئاسه وﻻ ربح
يوم شاف الكوم عالمصرع تلح
حسين كام ابثورته يطلب فتح
كام للثوره وجمع شبانها
★★★★★★★★★
شاف هاي الكوم ترفض للعدل
اتعودت هالناس عالدم والقتل
عادي عدها اليوم ترويع الطفل
اتفجر اعلحسين جن بركانها
★★★★★★★★★
التمت اعلحسين نسوان وزلم
ابثار عتبه اطالب وجت تنتقم
كطع راس حسين عدها أصبح حلم
عدها كتل حسين رفعت شانها
★★★★★★★★★
مايحب حسين هوا اليعتدي
صاح خلي الكوم هي التبتدي
هذا بيدي اليوم صاح امهندي
اﻻ اخلي ابكربله نيشانها
★★★★★★★★
فرحت الشبان جن عدهم عرس
هجمو اعلل الكوم هجمت مفترس
لقنوا ذيج العساجر جن درس
وجابت الماي الشبل عدنانها
الشاعر سليم الجنابي
رد مع اقتباس
جميله جدا
المشاركة الأصلية كتبت بواسطة ★ نِجمـٌــٍة شتـٍـٌــاء ★
