كلنا يبن المصطفى امتانيها
يمته جا عدل وقسط تمليها
خاف اسولف والجرح مالك يزيد
ولو ادري اكلوبكم مثل الحديد
لكن ابن ازياد والسواه يزيد
اجبال ربك هالمحن تنفيها
الجتل عادتكم بعد هم ادري بيه
وجدك المظلوم هم اكد عليه
بس سبي النسوان ماظن ترتجيه
وادري صعبه اعليك من احجيها
▪▪▪▪▪▪▪
شيخكم من ينقتل ما نعترض
طلع لجل الدين واحياء الفرض
بس لمن موﻻي توصل للعرض
هاي مو سهلة القضية ادريها
▪▪▪▪▪▪▪▪▪▪▪▪▪▪▪
نقبل الشبان تتقتل نعم
من اجل دين الله واحياء القيم
بس رضيع ازغير ترميه ابسهم
هاي وصمت عار ماتمحيها
▪▪▪▪▪▪▪▪▪▪▪▪▪▪▪▪
الحرب صارت ولو ندري السبب
بس ذمم واخﻻق ماعدها العرب
تسبي هالنسوان للشام اشعجب
وهل المسافه امجتفه اتوديها
▪▪▪▪▪▪▪▪▪▪▪▪▪▪▪▪
لو يهودي الكاتلك ماهو الشمر
مايخلي الخيل تسحكلك صدر
وجان نسوانك يردهن من عصر
ومو خرابه اجويعده امخليها
الشاعر سليم الجنابي
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
