على الموصل مشينا وما يردنا ارهاب
ولا واحد غريب يظل بأراضينا
وحق شيت النبي ويونس واخوه جرجيس
إلا انفوتها وترد اهالينا
يا رمز الحضارة ومكتبة تاريخ
ويا دار الإخوه البيه تربينا
مشتاقين احنا لكل شبر بالكاع
عليه مرينه ~ وسجدت نواصينا
يا عشتار الثقافة ومفخرة نينوس
بيج آشور شيد كل دواوينه
حملتي من الطوائف والديانه اشكال
وانواع البشر من كل عرق طينه
ودجلة اللي يمر حضنج يمر خدران
تعذب ميته وتنظف شراينه
الربيع يمر على اهلج مرتين بعام
ينثر عطره ويرّقص بساتينه
يا باب السراي …الساعة … باب الطوب
ويالجسر العتيق البعد ملينه
ويا حي الرفاعي ودورة السواس
للميدان والدواسة حنينا
ويا ربوع البوادي ويا جبل سنجار
ويا بيت الشعر يل بيه تكَهوينه
ما شفنا سعاده وراحه ابد من يوم
تركنا ديارنا وضاعت امانينا
نريد اتعود موصلنا الألم بالروح
يزيد اجراحنا ويلجم مكامينه
فزعوا لج هلج ~ من زاخوا حتى الفاو
جيش ويَ الشعب للموت لبينا
ما ينسوج ولد الملحه مـ يخلوج
ننهي احنا العدو ~ ولو زاد تحصينه
ترجع نينوى شما طال بيها الحال
وحق الله ترجع كل روابينا
#مأمون_النطاح
رد مع اقتباس
المشاركة الأصلية كتبت بواسطة Bara .ff
