عبد الله يوليدي!-حسين الساعدي
المستهل
،،،،،
عبد الله يوليدي
وبضحكتك عيدي
يابعد امك
وبروحي اضمك
يوليدي يوليدي
:::
متوهم وجاك وصاحباك الموت
دورنه اعله طولك ما حصل تابوت
يامهجة الزهرة ودمعة المبخوت
ناديتك ييمه وما تردلي الصوت
ناديتك ييمه
وما تردلي الصوت
عبد الله يوليدي
يوليدي يوليدي
::::::::::::::::::::::::::::::::
ياطير الذهب كلهم يسمونك
وانشوف السعاده ابنظرة اعيونك
ياعطشان ردنه ابكطره يسكونك
مدري ابيا شرع قبلوا يذبحونك
مدري ابيا شرع
قبلوا يذبحونك
وبضحكتك عيدي
عبد الله يوليدي
::::::::::::::::::::::::::::::
ياضي الكمر وخدودك اتلالي
طفوك ابسهم وانمرد دلالي
ومصابك ييمه الخيب امالي
انظر علمهد ليش المهد خالي
انظر علمهد
ليش المهد خالي
يوليدي وشبيدي
عبد الله يوليدي
::::::::::::::::::::::::::::::
ماميت وأكول وما يصدكوني
ياضحكه الابد متفارك اعيوني
والنحرك اصد وخابت اظنوني
كون اوياك يوليدي ويدفنوني
كون اوياك يوليدي
ويدفنوني
يوليدي يوليدي
وبضحكتك عيدي
::::::::::::::::::::::::::::
يازهرة حياتي وانته روح الروح
عاينت المهد شفت المهد مجروح
وانهز المهد ويانه كام اينوح
من شاف الورد وبركبته ومذبوح
من شاف الورد
وبركبته ومذبوح
يايمه وشبيدي
عبد الله يوليدي
:::::::::::::::::::::::::::
يادفان ادفنه ابحضن ابو اليمه
عبد الله الرضيع وياحلات اسمه
وبهذا القبر دوم ويضل يمه
حته ابكل مسيه ابمنحره ايشمه
حته ابكل مسيه
ابمنحره ايشمه
ياضحكتك عيدي
عبد الله يوليدي
حسين االساعدي
رد مع اقتباس
المشاركة الأصلية كتبت بواسطة مَجِنِوِنِ أّلَحٌَّسيِّنِ
