بالغاضريه__زينب سبيه
ترضاهه ياعباس
وانته الشفيه
________

ياشهم وانته اكفلتها امن المدينه الكربله
واجب اتكوم وتردها هسه ويه العايله
بعدك احتارت بامرها وبالدموع السايله
والشمر سوطه ضربها
وصعبه هاي المسئله!
والشمر سوطه ضربها وصعبه هاي المسئله
بت الزجيه
بالغاضريه
تقبل سبيه اتروح
بالغاضريه

__________

بالوداع اصار بيها الليل من جاب الصبح
ظلمت الدنيا عليها والجرح خَضر جرح
باسمك اتزامط بعدها وراسك الفوك الرمح
ياكمر باقي ابعلاتك
والكمر ما ينذبح
ياكمر باقي ابعلاتك والكمر ماينذبح
سبف وهويه
باالغاضريه
يبقه العلم لحسين
بالغاضريه
_______________


طبت المجلس اميه اهناكه وداها القدر
كالو امنين السبيه اشلون وكعت بالاسر!
والجواب اللي وصلهم يترس الدنيا قهر
هاي عباس الكفلها
وهسه نايم عالنهر
هاي عباس الكفلها وهسه نايم عالنهر
ويه المنيه
بالغاضريه
والرايه والجفين
بالغاضريه
::::
حسين االساعدي