لطميه زنجيل
بقلم حسين الساعدي
،،،،،
شمتاني بعد عباس
غير ايرجب اجفوفه
ويشوف السبايا اليوم
ماتنوصف هالشوفه!

خله ايعاين احزاني
سوط الشمر صاباني

وانه بت علي الكرار
كعبه الوادم اطوفه!
غير ايرجب اجفوفه

::::::::

كفالي واجيت اوياك كون الكافل ايردني
لو كالو كفيلج وين دمعه اويه اليناشدني
ما تدري الشمر هاليوم سوطه الورم ابمتني

وانه العفه بين الناس
معروفه واخت عباس

واشلون امشي مسبيه
وانه ابخدري موصوفه
غير ايرجب اجفوفه

:::::::

بسمه انزامط العدوان جنه ورافعين الراس
واحنه ابراية الايمان هيبه ونمشي بين الناس
ما تتقدم الفرسان من تسمع بسم عباس

هذا الكافل المعروف
والجف اليثلم اسيوف

كون باسمه ويسمعون
تاخذهم الف خوفه
غير ايرجب اجفوفه

::::::

ما رَجع اجفوفه وشال سهم الغمض اعيونه
وبمجلس يزيد اشلون يرضاهها ويقهرونه
وهناك اشكثر عدوان ضلوا بس يشتمونه

شتموا حيدر الكرار
شتموا زهرة المختار

غايتهم يذلونه
هاي الغايه معروفه
غير ايرجع اجفوفه
__
حسين االساعدي