هنا

[صباح السراي]

كو شيخ عشيره عنده مال وجاه وعز وذريه
كلها تخاف منه العدو قبل الصديق
دخل الحرامي لبيت الشيخ باك الدجاجه
ولد الشيخ لزمو الحرامي جابو للشيخ
الشيخ كاللهم اذبحو لان باك دجاجه
اولاد الشيخ كالوله يابه ترى هيه دجاجه
اولاد الشيخ تركو الحرامي راح لحال سبيله
بعد فتره دخل حرامي اخر وباك طلي من بيت الشيخ
ولد الشيخ جابو للشيخ كاللهم اذبحو اللي باك الدجاجه
اولاد الشيخ كالوله يابه ابو الدجاج شنو دخله بالموضوع
اولاد الشيخ تركوا حرامي الطلي يروح لحال سبيله
بعد فتره دخل حرامي باك الحنطه مال الشيخ
لزموا وجابو للشيخ كاللهم اذبحو ابو الدجاجه
وهم ماسمعو كلام ابوهم وخلو الحرامي يروح لحال سبيله
بعد فتره دخل ولد لبيت الشيخ فعل وزنى بنت الشيخ
اولاد الشيخ كالو لاابوهم نزل واحد وفعل وزنى بنتك
الشيخ كاللهم اذبحو ابو الدجاجه
عاد اولاد الشيخ ضاجو وراحو ذبحو ابو الدجاجه
كدام الناس وصاحو هاي جزاء اللي يتعدى على دجاجه الشيخ
سمع حرامي الطلي كوم ورجع الطلي وانطي فصل للشيخ
سمع حرامي الحنطه كوم ورجع الحنطه وانطه فصل للشيخ
سمع الولد اللي زنى بنت الشيخ وروح علشيخ وتزوج بنته
ودفع فصل للشيخ
رباط السالفه هاي حال العراق اليوم لو الشعب ذابح
اللي باك الدجاجه جان ماتجرء غيره يبوك الطلي والحنطه
ويزني بشرف العراقيين
؟؟
شيخ العشيره يمثل العراق
اولاد الشيخ يمثلون الشعب
اول رأيس وزراء حرام الدجاجه
الثاني حرامي الطلي
سليم الجبوري حرامي الحنطه
الامريكان زنو بشرف العراق
.....
حقيقه مره للاسف لكنها واقع نعيش بي

[زهره سقاها الحزن]

[دكتور جميل]

بس نسيت تذكر النذل اللي فتح باب بيت شيخ العشيرة للحرامية

[قـَســم ✞]

حلوووووه