هنا

[ارجع يازمان]

قصيده لطميه لانصار الامام الحسين عليه السلام
///////////////////////
المستهل
وانصار حسين الليله
راح ايعدلون الميله
ياجيش ايعيل اوياهم
ذوله ايردون العيله

::::::

همه الصحابه والبخت وياهم
والطف تنَوَر هلهل ابملكاهم
يا سر عجيب البلحرب لماهم!
عافوا الدنيا وللكبر منواهم
والعاداهم يا ويله
ذوله ايردون العيله
::::::

والناس تلبس بالدرع بالحومه
لكنه عابس شمر حته اهدومه
ودَرع ابحُب السبط وارسومه
هذا الجنون الراقي شوف اعلومه
راح ابروحه ايضحيله
ذوله ايردون العيله

:::::::

فاز الحبيب ابن المظاهر وياك
هذا زهير الصاح اموت ابملكاك
والحر ترك جيش الكفر وتعناك
سامحني يحسين وبجه ويترجاك
هاي الدمعه التحجيله
ذوله ايردون العيله

:::::

جون وانس والمسلم الصاح ابصوت
لا ما نعوفك الا وياك انموت
هاي الحرب محسومه وانته المبخوت
والطف جبير وكله صاير تابوت
والموت احنه انغنيله
ذوله ايردون العيله
__
حسين االساعدي

[ღ عِشق ღ]

عليهم افضل الصلاة والسلام ونعم الاصحاب
..
شكراً شاعرنا الساعدي
اُجرت

[كرار الحسيني]

احسنتم

[ارجع يازمان]

عليهم افضل الصلاة والسلام ونعم الاصحاب
..
شكراً شاعرنا الساعدي
اُجرت

اجوركم اعظم والسلام على الامام الحسين

[انثى مخمليةة]

احسنت النشر