رهمتك علي بس مارهمت وياي
انته الما ردت شتريد اسويلك
.............
عاشرتك نجم من جان عمرك ليل
أذوب وأشتعل حته ابقه أضويلك
............
ومن طلعت شمس خط رجعه ماخليت
ماجازيتني لمن خلص ليلك
............
بانيلك جنت حضرة عشك بالروح
ومرقد للمحنه بروحي بانيلك
............
ردت منك امراد وخذت مني امراد
وعلك بجفوفي شايلهن زناجيلك
...........
وانذرلك جنت وافتر واحني الباب
هسه اتهدمت ياباب احنيلك
احمد الذهبي
انسه حزنك .. لا يحن حزني ..
او على اعناد الحزن ..
يا زين .. اغنّي
حتى اصيحن : يا حسرتي اتباعدي
او يا بسمتي الضاعت تدنّي
آخ مني او آخ من روحي الكَت
هذا العمر بس بالتمني
عريان السيد خلف
چا أذا كل هالمتانى وما تجيني
چا عليمن ظاله أعله الباب عيني ؟
(( أخذني وياك ))
جملني بعد كطره ... وخذني وياك
هناك ... الفيض كلبك ...
حتى روحي تنام
عصفورة جرف ... بلل جنحها الكيض
اخذني وياك
امشي ابغير واهس ... والطواري كصار
وعيوني غرب ... وجفوف اديه اوداع
واسمي ... ابغير معنى ...
وميل كحلك غاب
وتنشدني اعله كلبي !
كلبي حب وذاب
ياكلبي حلك تنور ... لو سرداب ؟
صوغني ... ولو من ليلكم نجمه ... تبات وياي
ومن تشبع سهر ...ويجيسها الوهواس
اطفيها ابصبح ... والغبشه رشكه ماي
واشعلني ولع ...
يدوي العطش بالعود
حتى انزع جلد روحي ...وارد لصباي
أملني الفرح بسمك ... ورد عالباب
فاحت ريحته ... ولنك بعد ماجاي
بعد ماجاي !!
من ياصوت أصيحك ؟
والصدى ايجاريك
واكلك : مكدرت ... يالتكدر ابلياي
عريان السيد خلف
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
لـــ عريانها
الموت عينه أعله العيون النضحك ألها ،.
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
عريان السيد خلف
ما هاضمني بس الراح من كَتلك البيه شما يعز يفداك • صوجي وكَتلك ٲتمناك الوكت الصرفته ٲتعلم مراضاك ٲكثر من زعلتي وياك !
لا تجينه .. لاتجينه .. جان كَلت
ابوجه الابيض ..
غير معشركم لكَينة
جينة مشتاكَين .. وبلهفة .. او تسد
بابك علينه
جينه ايدفعنه الهوى . اودمعاتنه
اتكَطر بدينه
اوجنت اظن عندك وفه .. اورحية
من فرد طينة
عريان السيد خلف
چذّب لو كَلت باقي بـ نفس حيلي مشتاكَـ لحضن چان أعله كَد ليلي ..!
