درر العراق

★ نـجـمــــة شـتـــــاء ★ · 28/September/2016

انه سولفتك وماگلت كل البيك
مثل القره حچايه بنص الف ورقه
كل الگلته انك فكرتي وفحواي
واسراي ويقيني ومبدئي وعمقه
ويماني وضميري وراحتي من احتار
بيك والگه فكري بعالمك يشقه
يالبجف اليتيم ايصير جفك ماي
يابيرغ الرأفه ومعجم الرقه
وبنفس الوقت انته الترد الجيش
من يشرد الكل وانت بس تبقه
ماغاليت بس هو الصدگ انته
الصراط المستقيم وعروة الوثقى
مامجبور اچذب حتى ارضي فلان
واقبل ويه غيرك تنعقد صفقه
وانت التعبد من الليل ليل الليل
طوعته وحييته وجسدت نطقه
احبك ..وابقى اسولف ياعلي بطاريك
لو تختلف بيه ١٧ فرقه .