هذه القصيدة على طور قصيدة الحاج باسم الكربﻻئي[ موقف يهد الرواسي ] نسأل الله ان تنال رضاه ورضا رسوله واهل بيته صلوات الله عليهم اجمعين... القصيدة هي حوار بين فاطمة الزهراء عليها السﻻم والعقيله زينب عليها السﻻم..

زينب اشعندچ مصايب.. ياﻻبيه
سمعتچ اتنادين وينچ.. يالزجيه
أدري يمه بقصّتچ من جدچ ادري
ونار تسعر وسط روحي ودمعي يجري
جاوبيني.... جاوبيني

عالصبر روحي ييمه عودتهه
من دريت بقصتي منچ وسمعتهه
صعبه يايمه المواقف من عشتهه
بصبر ايوب اجرعتهه وعالجتهه
جبال ماتحمل اهمومي وحملتهه
عيوني من كثر البواچي ذبلتهه
شحچي يمه يالحبيبه.. والله حيره
وحدي ظليت وغريبه.. بﻻعشيره
حاضره وياچ بـــــــــغربتچ ربنا يدري
ونار تسعر وسط روحي ودمعي يجري
جاوبيني.... جاوبيني

رايده اشكيلچ عذابي وعـــندي حسره
عگب كل عزي ودﻻلي اخــذونه اسره
وخدري يايمه وحــــــجابي ضاع قدره
وانه الماشافو خــــــــيالي وبان أثره
اچفوفي اخليهه عله وجهي حتى استره
خافن اعليه زلمهم تلــــــــــقي نظره
منين اجيب انه ابو فاضــل.. حر اﻻحرار
هيبتي يردهه الـــــــــيه.. وياخذ الثار
ياصبر يمه انشدچ مـــــــــثل صبري
ونار تسعر وسط روحي ودمعي يجري
جاوبيني.... جاوبيني

يمه من شفتچ اســـــيره ونه ونيت
انتي بنتي الدللتهه ولهـــــه داريت
احضرهه يارب الجليل بحسره ناديت
هاي فخر النسه چانت زهرة الــبيت
الحبل أذاني ييمه ومنه عانيـــــــت
ريته بيدي موش بيدچ گلت ياريــــت
والشمر يمه سمعته... من يشتمچ
يضربچ بسوطه لمحته...عـله متنچ
گبلچ آخ انه صحت يايـــــــمه اصبري
ونار تسعر وسط روحي ودمعي يجري
جاوبيني.... جاوبيني

يامصيبه اصبر عليــــهه ويارزيه
حيل ماظل عندي يحمل كل أذيه
كل أخوتي ذبحوحهه آل امــــيه
ناس ﻻ نوماس عدهم ﻻ حـــميه
حرمه صرت بﻻيه والي يحن عليه
الوالي يمه عفته طايح عالوطــيه
هذا ظيمي يريد خـــوان ... ترفع الراس
وانه راح حسين مـــني ... وراح عـباس
وحدي ارعه انه اليــــتامه وزاد قهري
ونار تسعر وسط روحي ودمعي يجري
جاوبيني.... جاوبيني

للصبر يمه انخلقنه ها يبـــــنتي
ابموقفچ هذا رساله انتي حملتي
رحله وانواع المآسي بيهه شفتي
ثوره صرتي لليحبنه ونتــــصرتي
ربنا راد يشوف صبرچ ونتي فزتي
والچ عنده اعظم كرامه وللشفتعي
ومن يمر هذا مـــصابچ ... يالغريبه
عاللي حبنه يسيل دمعه...وي نحيبه
ذوب مصابچ مهجتي وحــــرك صدري
ونار تسعر وسط روحي ودمعي يجري
جاوبيني.... جاوبيني

كل جروحي اتحملتهه ونتي تدرين
ردت أشكيلچ ييمه أشد جــــرحين
جرح للطفله رقيه زاد الونيــــــن
صاحت ماأحمل فراگك بويه يحسين
ظهري بعدك من ظربهم بي نياشين
عالطشت ماتت وخلت علتي علــتين
وجرح من سبني بشـماتـه...ابن اﻻراذل
ريته يسمع مـــن شتمني... ابـو فاضل
ابمجلس ايزيد يحـضرني يردلي خدري
ونار تسعر وسط روحي ودمعي يجري
جاوبيني.... جاوبيني