هنا

[جاسم الزركاني]

جدر اللوبيا ..
طبعاً كلش أحب اللوبيا , ومرات الله ينطي للواحد على گد نيته ..
قبل شوية رجعت للبيت , لگيت جدر مال لوبيا على الطباخ وأني ضعيف گدام اللوبيا , إستغليت الموقف بأن ماكو أحد بالمطبخ ..
فتحت الجدر ووگعتله تكرز , گمت أخلي الوبيا بحلگي وأسحب بس الخيوط , لحد ما خليت الجدر يصوصي مابيه ولا لوبيايه ..
إنتعشت كلش وگمت أطبطب على بطني وأحس بنفسي طالع من معركة منتصر ..
چان رأساً يندگ الباب , رحت فتحت الباب , طلعت بنت الجيران ..
گالت : عمو أمي تگول جدر اللوبيا إستوه لو بعده ?!!!
طلعت اللوبيا مال جيرانه ومخلصين غاز وجايبيها يسووها يمنه ..
أني رأساً گلتلها : عمو نسيناها على الطباخ وإحترگت وذبيناها , سلميلنه على ماما وگليلها .. باچر لتسوون لوبيا , لان لوبيتكم علينه ..
والنفس الدنيه كانت هنا .

[★ نـجـمــــة شـتـــــاء ★]

خرررررب غير تسأل عن مصدرها ليش تستعجل

[غرور]

گمت أخلي الوبيا بحلگي وأسحب بس الخيوط

موقفك عجيب والله لا ونوب يكول احس نفسي طالع من معركه منتصر
والله ضحكتنا خيو ربي يحفظك

[*RÂყÂм*]

خررررب شنوو هاي موقف مو طبيعي

[جاسم الزركاني]

خرررررب غير تسأل عن مصدرها ليش تستعجل

هي الدنيا مدرسه وهذا درس بحياتي منا وهيج من الكه جدر على الطباخ اسال هذا المن
هههههههههههههههه
ادري غير اني داخل بيتنه
واكف بمطبخنا

[جاسم الزركاني]

گمت أخلي الوبيا بحلگي وأسحب بس الخيوط

موقفك عجيب والله لا ونوب يكول احس نفسي طالع من معركه منتصر
والله ضحكتنا خيو ربي يحفظك

شنو لازم جاي تتخيلين الموقف هههههههههههه
ربي يدوم الضحكه والسعاده الابديه على الجميع

[جاسم الزركاني]

خررررب شنوو هاي موقف مو طبيعي

اي والله ياخويه هسه حتى استحي اطلع بره البيت
ههههههههههههه

[*Rafa*]

ههههههههههههههههههههههههه صدك ضحكت تستاهل لوبيا اقصد تقييم

بالمناسبه اني هم ظعيفه كدام اللوبيا الله اليستر شطلع حجه للجيران هههههههههههه

[☆زنبق☆]

ههههههههههههههههههههههههه ههههههههههههههههههههههه
اني اعشق الوبيه واكله نفس طريقتك واليوم ظهر اكلته


بس موقفك لاتحسد عليه

[‫#⃣عازف#⃣]

الف عافية
مو هيج يبعد روحي الجدر كله
طركاعة نزلت ع الجيران لاعشة ولاغاز