هويتك كون تهواني وهاويك
وعلي نسماتك اطشها وهاويك
بهواك انعيش
طير وريش
شجره وماي
دمعه وناي
بهجرك بينت بلواي
اصيحن عود
اكلني الدود
ميت بيك
ما ناسيك
حط بشفاك
نعش وياك
جسر اهات للحسرات
عمري الفات
بعدك مات
جفاك الصار هاويتي وهاويك
عمه عيوني وكلامك شوف اليه
::::::::::::::::::::::::::::::::::::::::::
عله جتافي حملتك طاح رمحاك
يشك بيه ويرد النوب رم حاك
دليلي اغتاض
طعنك فاض
طفل اهواك
صار اجهاض
دله تفور
جن ناعور
يصب الماي
فوك اجلاي
حريمه بناي
تغرد احاي
طعم غدرك لمن وريت رمحاك
ابو معيشي ويسولف بلبوذيه
:::::::::::::::::::::::::::::::::::::
فوك جروحي دمعك صار صبتاه
سهم هجرك عدل بحشاي صبتاه
صفيت اشتات
عشكك مات
سهمك فات
كون تشوف
حالي اطفوف
سمج بلكاع
مايك ضاع
حسافه العمر ضاع وياك صبتاه
صرت شايب هواك يعيل بيه
::::::::::::::::::::::::::::::::::::::
دليلي بحالتك ربك يعيناك
بولفك لو يرف كلبك يعيناك
ترف شفاف
عجيب اوصاف
وسيع عيون
غطاه جفون
احضنه وخاف
ما ينعاف
شكر بخدود
تدوخ الدود
الكلب قرر ولف روحي يعيناك
الرواتب بوس من تصير بيه
الشاعر علي كاظم الصبيحاوي
رد مع اقتباس
