لا يالعليله!
،،
ياريت اشوف العباس راح اشتكيله
عافوني بالغربه اشلون وانه العليله
غابوا عليه الاحباب
لا طارش الدك الباب
ياعمي صارو غياب _غيبه الطويله!
راح اشتكيله

،،،،،،،،،،،،،

ترضاها عمي ابغربتي ايخلوني
ضايع ظعنهم والدمع بعيوني
أصرخ ابصوتي
وما اظن ايسمعوني
اصرخ ابصوت ماظن ايسمعوني

ماينسمع حته الصوت
صاير دربهم تابوت!
والظعن رايح للموت_ماكو بديله!
راح اشتكيله

:::::

كون العليله اوياهم ايودوها
محتاجه حبهم لازم ايراعوها
بالغربه وبهل حاله
ميعوفوها
بالغربه وبهل حاله ميعوفوها!!

واشتكي العمي العباس
ياغربتي اتشيب الراس
والدمعه تنزل ياناس _كلش ذليله!
راح اشتكيله

:::::

كلهم مشوا ماتركوا الدمعاتي
حته الرضيع وضحكته الضحكاتي
عبد الله اخوي
وسلوتي ابمئساتي
عبد الله اخوي وسلوتي ابمئساتي!!

ماتركوا احد وياي
عافوني وحدي ابلواي
وين الجفيل ابهلراي_وين العقيله!
راح اشتكيله

:::::::

يوم الوداع اشتركو ابدمع العين
واتعذرولي ابهل درب ماهو زين
انتي العليله ولو تشوفين احسين!!
والخيل رضت جسمه
خاف اتموتين!
والخيل رضت جسمه خاف اتموتين!!

والاكبر هاي اعلومه
وجسام الصب ادمومه
وعباس ابنص الحومه__لا يلعليله
لا تشتكيله
،،،،،

حسين االساعدي