للشاعر زكي الياسري النجفي
اولاد مسلم للأبد دمعـه سِريّه
أيتام ذبحوهم ذَبـِح أزلام اميّه
وا ويلاه ... وا ويلاه
اولاد مسلم للأبد دمعـه سِريّه

كل بشر يفگد عزيز اعليه يسچب دمعته
يوم يومين و ثلاثه وبعد تسكــن لوعته
لچن دمعات الموالي عالسفيــر وغربته
مسلم وبنته حميدة ولده فلـذة چبدِته
للأبد منبع حزن للجعفـــــريه
أيتام ذبحوهم ذبح أزلام اميه

محمد الي ما تِجاوز عمره خمسه امن السنين
والاخو ابراهيم ويلي اعليه مـــا بطل الونين
فرّوا امن الغاضريه من جيـوش الظالمين
لكـن أزلام آل اميه يسّروهـــم بعد حين
ما رعوا سِنهم زغير الناصبيه
أيتام ذبحوهم ذبــح أزلام اميه

فرّوا امن الغاضريه عگب شب نار الخيام
زغار ما عِدهُم مُعيــن ابهيمة البر والظلام
واليتيم اويه الحــزن والخوف مايگدر ينام
والكفلهم عالتـــرب مذبـــوح ياويلي الأمام
فاجـِعتهم آذت الزهره الزچيه
أيتام ذبحوهم ذبح أزلام اميه

بليل أظلم صادفوا حرمه عجوزه امن العباد
حاوروها وحاورتهم وين اهلكـــــــم والبلاد
گالوا احنه اولاد مسلـم من ولد بيت الرشاد
بس سواد الليلـه هـــــذي يمچ انبات المُراد
احنه أيتام النبي وحيدر وصيه
أيتام ذبحوهم ذبــح أزلام اميه

ويلي أعظم فاجعه ابيته لگـــاهم هالبعيـد
جائزه مِن الأمير إگبــــال مقتلهــــم يريد
ربـّط ايديهم يويلي ابحبــل وبگيد الحديد
والصبح يم الفرات المــنوه ينحرهم يريد
بلا ذنب وابلا جرم يا رافضيه
أيتام ذبحوهم ذبح أزلام اميه