هنا

[*Rafa*]

السلام عليكم


حابه اطرحلكم فدشي من طفولتي وهو مقلب بسيط او لعبه بسيطه ويه اهلي اتحولت الى حقيقه

احم احم بسم الله

طبعا جنت صغيرة بعمر 7 او 6 سنوات جانت امي كاعده تشتغل واخويه وخواتي ديلعبون بالكراج والدنيا مغربيه اما اني كاعده بالهول واباوع منا ومنا
ضجت كلت شسوي شسوي اجت ابالي فكرة ختلت ورا المعرض مال تلفزيون ظليت مده ومليت بس مستسلمت المهم انتبهو على غيابي امي كالت ولكم وين رفا (طبعا هي كالت اسمي بس هذا اسم الشهرة ) كالو مندري كالت شو شوفوهه خاف جوة واني بهالوكت جايه اباوع عليهم وفرحااااانه خطتي بدت تمشي ومرتاحه ..... بدو ايدورون عليه منا منا وامي تصيح خطيه واخويه هج بالشارع والدنيا مغربيه واختي هجت وياا مخلو مكان مدورو بي عااد اني شفت الشغله صارت صدك كلت خلي انهيهه اشلون يا ربي شفت ابصفي فراش كمت وذبيت روحي عليه عود نايمه وماادري شكو ماكو طبو ولكوني متمددة وصاحو امي بس شنو كلبي ايدك ادري راح انكتل فجتي امي وجتي كتلتي شافتني واني مازلت امواصله التمثيل وكول بصوت ناعس شكو شبيكم امي كالت اشبينه جذابه وانخبزت للعشه اجه ابويه الجان طالع واني حبيبته ادلع علي لكاني ابجي فوكاها عود اني العايله واشكيله عليهم لان انكتلت وهو صف ويايه بس شنو بكد ماابجي اني فرحانه لان اتممت المهمه بنجاح

اتمنى تعجبكم
اسفه للاطاله

[محمد ألصدري]

هههههههه هاي سالفه جبيره مو مال 6 او 7 سنوات
و جنت اتوقع نفسي اوكح واحد بهلعمر طلعت لا شيء

[*Rafa*]

هههههههه هاي سالفه جبيره مو مال 6 او 7 سنوات
و جنت اتوقع نفسي اوكح واحد بهلعمر طلعت لا شيء

ههههههههههههه لا عندي اهواي شغلات واني اصغر بس خليهه سكته

نورت

[غرور]

ولج يا نجاح
المهم انكتلي وانخبزتي
ما متوقعه منج عندج هيج حركات يمه منج
حلووووو وان شاءالله هم تنكتلين بعد --هاي دعوه من جروح

[ليديا]

ههههههه
مشاكسة بامتياز هههههه
يعني ما جا على بالك الا تفزعيهم عند المغرب...
وبعدها تظاهرين انك نايمة بالمكان إلى هم مروا عليه عشر مرات ههههه فعلا هاي هي البراءة

تقيمي لمشاركتك لنا ذكرى طفولية بأسلوبك اللطيف

[*Rafa*]

ولج يا نجاح
المهم انكتلي وانخبزتي
ما متوقعه منج عندج هيج حركات يمه منج
حلووووو وان شاءالله هم تنكتلين بعد --هاي دعوه من جروح

هههههههههه متهمني الكتله المهم نجحت واثرت قلقهم واختبرت حبهم
لا اتوقعي كلشي مني
لا لج ليش انكتل

[*Rafa*]

ههههههه
مشاكسة بامتياز هههههه
يعني ما جا على بالك الا تفزعيهم عند المغرب...
وبعدها تظاهرين انك نايمة بالمكان إلى هم مروا عليه عشر مرات ههههه فعلا هاي هي البراءة

تقيمي لمشاركتك لنا ذكرى طفولية بأسلوبك اللطيف

ههههههههه اي مو المغرب القلق يزيد
لعد شسوي حته انهي السالفه نمت خوب اني بارعه بالتمثيل
شكرا للتقييم

[‫#⃣عازف#⃣]

ههههههههه وكيحه
استمتعت بقراءتها

[مصطفى العراب]

المغربية تگب الخبالات

[*Rafa*]

ههههههههه وكيحه
استمتعت بقراءتها

هههههههه مرات نحتاج الوكاحه

غايتي متعتكم

شكرا لك