تگضي حاجات تلبي طلبات
ربك انطاهه الكرامه
انخاهه مهموم تكشف اغموم
اتوصلك الدرب السلامه
انخاهه بالشدة ولو مرّت مصيبة
ام البنين الطاهره الحره النجيبه
طلبتك تنطيك وبســـرعه عجيبه
مو غريبه اعليهه ابداً مو غريبه
تحضر اوياك تسمع انداك
تفزع ابغيره وشهامه
جرب وشوف ياللي ملهوف
اتوصلك الدرب السلامه
ياللي عندك حاجه افرش الهه سفره
وعلى حب ام البنين اطعم الفقره
بليلة الجمعه يشيعي زياره اقره
سلم عليهه بگلب مليان حسره
اسألهه بثنين الحسن وحسين
المغرم يهزه غرامه
تمدلك الايد تلبي شتريد
اتوصلك الدرب السلامه
ولو طلبتو حاجه صعبه يالموالين
أبچو المصايب كربله بحنات واونين
هاي ام الوفه هاي ام الميامين
ربهه انطاهه الكرامه بحبهه لحسين
اذكرلك امصاب تلبي الجواب
انشدهه بجروحه وسهامه
اتذكر آﻻم ذيچ اﻻيام
اتوصلك الدرب السلامه
بسهم چبد احسين حلفهه الوفيه
وعظام صدره الكسرتهه اخيول اميه
اذكر الهه امصاب تنطيك الهديه
عدهه حيل احسين غالي ام الحميه
لوردت المراد يكثر ويزداد
اذكر النار بخيامه
ذكر ام البنِين بمصيبة حسين
اتوصلك الدرب السلامه
كلهه جيتچ ياﻻبيه وجايب اوياي
الف وسبعمية جرح يالطيبه عناي
وجايب ويايه الم لهفته اعله الماي
ادري اتلچمچ جروحه ادري بهاي
بالبچه والنوح ذكرهه بجروح
النوح للشيعي علامه
تنطيك شتريد بس العن ايزيد
اتوصلك الدرب السلامه
رد مع اقتباس