شقاوة طفله (ج2) .. قــصتي
اليوم راح احجيلكم سالفه من سوالفي من جنت صغيره هذي الجزء الثاني ومثل ماكلتلكم شقاوتي هالمره ويا اهلي .. هنه عدت مواقف راح اجزئهن حتى يسهل عليكم قرائتهن تابعو
*اختي تخاف من البزازين فأهلي علمودها يطردون كل البزازين فمره طلعت تفتر بالحديقه هيه وبت خالتي بالليل فأنا اعرف اقلد اصوات مضبوط فضليت امشي وراهن واقلد وهيه تكمز وتخاف وتصير حالتها حاله مره طلعت بابا وماما علمود يطردن البزونه الي هيه انافسويت نفسي ادور وياهم وشوي واقلد صوت بزون يدورون وماكو وضلو على هالحال كل شوي اسوي ميو ومايلكون شي لا وانوب اكلهم مناك مناك الصوت
*مره جدي فات للحمام يسبح فأنا طلعت سديت الصمام من بره اكطع عليه الماي فصاح جدي على بابا وطلع بابا يفتح الصمام انا دخلت غلقت الصمام الداخلي فتح الصمام الخارجي وماكو كال جدي هم ماكو ماي وضلو على هالحاله يجي يفتح الصمام الخارجي اغلق الداخلي يجي للداخلي افتحه واغلق الخارجي فبابا جان عنده دوام كال لماما تشوف السالفه وهم نفس الشي سويت بماما وهم احتارت ما اطول عليكم سويت روحي جاكي شان رحت لجدو كلتله ها جدو شنو ماكو ماي كال اي وهسه انا ابتليت كلتله جدو هسه اشوفلك السالفه شنو ورحت فتحت الصمامات وغلقت صمام الخزان الرئيسي هذا محد يدناله فأجيت كلتله ها جدو اجه الماي كال اي عفيه بنتي مابيهم خير الاطفال احسن منهم طبعا انا صرت فد شي هههههههه وهوه انا سبب البلا :123:
*قبل من جنت صغيره بالابتدائية ابوي شغلني عماله نسوي بلوك بعد قبل الوادم بالظيم ماتشتري شغلات تسوه علمود شغله بسيطه واحنه جنه نريد نبني سياج مادري حمام خارجي ما اذكر شنو بالضبط المهم انطاني سالفة اخبط الخبطة واحط الخبطه بالقالبوانا هذه كله ميخالف جان الظهر يطلعون افلام كارتون احبهم وبسبب الشغل ما اكدر اباوع
ومن اكول اريد اباوع ما اريد اشتغل اترزل فأروح اشتغل
بس يله اهون مما اخبط واصب بالقالب اتعب اكثر
انتظروني بالجزء الثالث وشقاوتي ويا الجيران
رد مع اقتباس
المشاركة الأصلية كتبت بواسطة محمد ألصدري
